#វិស័យកាត់ដេរ

នៅក្នុងការចរចាប្រាក់ឈ្នួលអប្បរមាជូនកម្មករ និយោជិត ប្រចាំឆ្នាំ២០២៥ ដំណាក់កាលដំបូង កាលពីពេលថ្មីៗ តំណាងកម្មករទាមទារឱ្យបន្ថែមចំនួន១៤ដុល្លារ លើប្រាក់ឈ្នួលគោលបច្ចុប្បន្ន២០៤ដុល្លារ ប៉ុន្តែភាគីនិយោជកហ៊ានបន្ថែមតែ១ដុល្លារប៉ុណ្ណោះ។ ភាគីតំណាងកម្មករចាត់ទុកលទ្ធផលនេះ គឺជាសញ្ញាល្អមួយសម្រាប់ការចរចានៅដំណាក់កាលជាបន្តបន្ទាប់ទៀត។ យ៉ាងណាមិញអ្នកជំនាញសេដ្ឋកិច្ចយល់ឃើញថា ការចរចាប្រាក់ឈ្នួលនេះ ត្រូវធ្វើឡើងក្រោមគោលការណ៍ស្វែងរកចំណុចរួម និងឱ្យស្របតាមស្ថានភាពសេដ្ឋកិច្ចជាក់ស្តែង។