#វិស័យមីក្រូហិរញ្ញវត្ថុ

មន្ត្រីជាន់ខ្ពស់នៃសមាគមមីក្រូហិរញ្ញវត្ថុកម្ពុជា បានវាយតម្លៃថា ស្ថានភាពហិរញ្ញវត្ថុក្នុងវិស័យមីក្រូហិរញ្ញវត្ថុកម្ពុជា នៅត្រីមាសទី១ ឆ្នាំ២០២៥ នៅតែរក្សាបានភាពរឹងមាំ បើធៀបនឹងត្រីមាសមុន។ តួយ៉ាងការផ្តល់ឥណទានរបស់គ្រឹះស្ថានមីក្រូហិរញ្ញវត្ថុ នៅត្រីមាសទី១ មានទំហំជាង៥ពាន់៣រយលានដុល្លារ កើនឡើងជាង៤% បើធៀបនឹងត្រីមាសមុន ខណៈប្រាក់បញ្ញើអតិថិជនមានទំហំជាង២ពាន់៧រយលានដុល្លារ កើនឡើងជិត១០% បើធៀបនឹងត្រីមាសមុន។ តែយ៉ាងណាចំនួនឥណទានសងយឺតលើសពី៣០ថ្ងៃហាក់មានការកើនឡើងខ្ពស់ដល់ប្រមាណ៩,៥% នៅក្នុងរយៈពេលដូចគ្នានេះ។