#វិស័យអចលនទ្រព្យ

បើគ្មានការប្រែប្រួលទេ រាជរដ្ឋាភិបាលកម្ពុជា នឹងអនុវត្តការយកពន្ធលើចំណេញមូលធនចំពោះអចលនទ្រព្យ ចាប់ពីថ្ងៃទី១ ខែមករា ឆ្នាំ២០២៦ តទៅ បន្ទាប់ពីបានពន្យារពេលអនុវត្តជាបន្តបន្ទាប់អស់ជាច្រើនឆ្នាំកន្លងមកនេះ។ ក្រុមអ្នកជំនាញក្នុងវិស័យអចលនទ្រព្យ យល់ឃើញថា រាជរដ្ឋាភិបាល គួរពន្យារពេលអនុវត្តការយកពន្ធលើចំណេញមូលធនចំពោះវិស័យអចលនទ្រព្យបន្តទៀត ដោយសារមកទល់ពេលនេះវិស័យនេះនៅមិនទាន់មានភាពល្អប្រសើរ គួបផ្សំស្ថានភាពសេដ្ឋកិច្ចពិភពលោក ក៏ដូចជានៅកម្ពុជា បន្តស្ថិតក្នុងភាពមិនប្រាកដប្រជានៅឡើយ។