#វិស័យអចលនទ្រព្យ

របាយការណ៍របស់ក្រុមហ៊ុនប្រឹក្សាអចលនទ្រព្យអន្តរជាតិ CBRE បង្ហាញថា ទីក្រុងហាណូយ និងទីក្រុងហូជីមិញ នៃប្រទេសវៀតណាម បានជាប់ឈ្មោះក្នុងចំណោមទីក្រុងដែលតម្លៃលំនៅឋានហក់ឡើងខ្ពស់កប់ពពកនៅអាស៊ី ពោលគឺតម្លៃលំនៅឋានខ្ពស់ជាងឆ្ងាយបើធៀបនឹងប្រាក់ចំណូលជាមធ្យមរបស់ពលរដ្ឋវៀតណាម។ គម្លាតរវាងប្រាក់ចំណូលពលរដ្ឋ និងតម្លៃលំនៅឋាននៅវៀតណាម គឺធំជាងគម្លាតនៅក្នុងប្រទេសសិង្ហបុរី ដែលជាប្រទេសអ្នកមានទៅទៀត។ នេះបើយោងតាមការចុះផ្សាយរបស់សារព័ត៌មាន VN Express កាលពីថ្ងៃព្រហស្បតិ៍ ទី៣០ ខែមករា។