#វិស័យអចលនទ្រព្យ

ទីផ្សារអចលនទ្រព្យក្នុងប្រទេសចិន ដែលមានសេដ្ឋកិច្ចធំបំផុតទី២ របស់ពិភពលោក ចាប់ផ្ដើមបង្ហាញសញ្ញាងើបឡើងវិញជាបណ្ដើរៗហើយ ខណៈដែលការលក់លំនៅឋានក្នុងទីក្រុងធំៗមានសន្ទុះកើនឡើងគួរឱ្យកត់សម្គាល់។ កំណើននេះបានផ្តល់ក្តីសង្ឃឹមកាន់តែមុតមាំថា ទីផ្សារអចលនទ្រព្យចិន នឹងមានស្ថិរភាពឡើងវិញនៅឆ្នាំ២០២៥ នេះ ហើយនេះអាចចាត់ទុកជាដំណឹងដ៏គួរឱ្យសាទរសម្រាប់តំបន់អាស៊ានផងដែរ ព្រោះបណ្ដាក្រុមហ៊ុនអភិវឌ្ឍន៍អចលនទ្រព្យចិន មានគម្រោងជាច្រើននៅតំបន់នេះរួមទាំងកម្ពុជា ផងដែរ។ នេះបើយោងតាមការចុះផ្សាយរបស់សារព័ត៌មាន South China Morning Post។