#វិស័យស្រូវ អង្ករ

ឥណ្ឌូនេស៊ី ដែលជាប្រទេសមានប្រជាជនច្រើនជាងគេនៅក្នុងតំបន់ និងជាអ្នកនាំចូលអង្ករច្រើនជាងគេនៅក្នុងតំបន់អាស៊ីអាគ្នេយ៍ បានប្រកាសបញ្ឈប់ការនាំចូលអង្ករពីប្រទេសផ្សេងៗសម្រាប់បម្រើឱ្យតម្រូវការប្រើប្រាស់ក្នុងស្រុករហូតដល់ដំណាច់ឆ្នាំ២០២៥។ ការប្រកាសឈប់នាំចូលអង្ករនេះធ្វើឡើងក្រោយប្រទេសនេះអាចផលិតអង្ករក្នុងស្រុកបានគ្រប់គ្រាន់ និងលើសតម្រូវការរហូតដល់ទៅ៤លានតោននៅឆ្នាំនេះ។ ម្យ៉ាងទៀត ដើម្បីលើកកម្ពស់ទីផ្សារស្រូវ និងអង្ករក្នុងស្រុកផងដែរ។ នេះបើយោងតាមការចុះផ្សាយរបស់ទីភ្នាក់ងារសារព័ត៌មាន អានតារ៉ា។