#វិស័យស្វាយចន្ទី

សមាគមស្វាយចន្ទីកម្ពុជា បានឱ្យដឹងថា ក្រុមហ៊ុនកែច្នៃគ្រាប់ស្វាយចន្ទីរបស់ជប៉ុន Mirarth ដែលមានមូលដ្ឋាននៅក្នុងខេត្តកំពង់ធំ គ្រោងនឹងដំណើរការសាកល្បងនូវគម្រោងចម្រាញ់ប្រេងចេញពីសម្បកគ្រាប់ស្វាយចន្ទីដំបូងគេនៅកម្ពុជា នាខែសីហា ឆ្នាំ២០២៦ ខាងមុខនេះ។ គម្រោងនេះត្រូវបានសមាគមរំពឹងថា នឹងក្លាយជាកម្លាំងចលករដ៏សំខាន់ក្នុងការជួយកាត់បន្ថយថ្លៃដើមផលិតកម្ម និងបង្កើនតម្លៃបន្ថែមដល់ខ្សែច្រវាក់ផលិតកម្មស្វាយចន្ទីនៅកម្ពុជា ដើម្បីពង្រឹងភាពប្រកួតប្រជែងនៅលើទីផ្សារអន្តរជាតិ។