#វិស័យថាមពល

ការសន្យាបង្កើនសមត្ថភាពថាមពលកកើតឡើងវិញបីដងនៅឆ្នាំ២០៣០ ទទួលបានការគាំទ្រពីប្រទេសចំនួន១១៨ រួមទាំងកម្ពុជា នៅឯសន្និសីទស្តីពីការប្រែប្រួលអាកាសធាតុរបស់អង្គការសហប្រជាជាតិលើកទី២៨ ឬ COP28 ដែលកំពុងដំណើរការរៀបចំធ្វើឡើងនៅរដ្ឋធានីឌូបៃ ប្រទេសអារ៉ាប់រួម។ ស្របពេលជាមួយគ្នានេះ សហរដ្ឋអាម៉េរិកបានប្រកាសសន្យាផ្តល់ប្រាក់៣ពាន់លានដុល្លារដល់មូលនិធិអង្គការសហប្រជាជាតិ ដែលមានបំណងជួយប្រទេសកំពុងអភិវឌ្ឍន៍កាត់បន្ថយការបំភាយឧស្ម័នផ្ទះកញ្ចក់ និងសម្របខ្លួនទៅនឹងការប្រែប្រួលអាកាសធាតុ។ នេះបើតាមការចុះផ្សាយសារព័ត៌មានអន្តរជាតិធំៗ។