ហ៊ុន គន្ធថៃ

ចក្រភពអង់គ្លេស និងសហរដ្ឋអាមេរិក បានគាំទ្រ«សេចក្តីប្រកាសអាត្លង់ទិក»ថ្មីមួយកាលពីថ្ងៃព្រហស្បតិ៍ទី៨ខែមិថុនា ដែលជាកិច្ចសហប្រតិបត្តិការផ្នែកសេដ្ឋកិច្ចនៅក្នុងវិស័យជាច្រើន ដូចជា ថាមពលស្អាត សារធាតុរ៉ែសំខាន់ៗ និងបញ្ញាសិប្បនិម្មិត រវាងប្រទេសសម្ព័ន្ធជាប្រវត្តិសាស្ត្រទាំងពីរ។ សេចក្ដីប្រកាសរួមនេះបានធ្វើឡើងអំឡុងទស្សនកិច្ចរបស់នាយករដ្ឋមន្ត្រីអង់គ្លេសនៅសហរដ្ឋអាមេរិក។ នេះបើតាមការចុះផ្សាយដោយសារព័ត៌មានរ៉យទ័រ។