​ ខេមបូណូមីស

ព្រែកជីក គឺជាព្រែកដែលត្រូវបានជីកឡើងដោយមនុស្ស ដើម្បីបម្រើផលប្រយោជន៍ផ្នែកពាណិជ្ជកម្ម ពោលគឺសម្រាប់ឱ្យកប៉ាល់ដឹកជញ្ជូនទំនិញឆ្លងកាត់ដើម្បីភ្ជាប់ទៅកាន់ផ្លូវដឹកជញ្ជូនសំខាន់ៗតាមបណ្ដោយទន្លេ និងសមុទ្រជាដើម។ ព្រែកជីកផ្តល់ផ្លូវដឹកជញ្ជូនខ្លីជាងធម្មតា កាត់បន្ថយពេលវេលាដឹកជញ្ជូន និងកាត់បន្ថយការចំណាយបានយ៉ាងច្រើន ដោយជួយសម្រួលដល់ការធ្វើពាណិជ្ជកម្មតាមសមុទ្រក្នុងប្រទេស និងទ្វីបនានាឱ្យដំណើរការកាន់តែរលូន និងមានប្រសិទ្ធភាពខ្ពស់។