​ ខេមបូណូមីស

ប្រព័ន្ធធនាគារកម្ពុជា បានបន្តរួមចំណែកយ៉ាងសកម្មក្នុងការគាំទ្រកំណើនសេដ្ឋកិច្ច និងការអភិវឌ្ឍប្រកបដោយបរិយាបន្ន ដែលបានឆ្លុះបញ្ចាំងតាមរយៈកំណើនទ្រព្យសកម្ម និងប្រាក់បញ្ញើអតិថិជន ប៉ុន្តែវិស័យនេះ នៅតែរងឥទ្ធិពលពីផលប៉ះពាល់អវិជ្ជមាននៃជំងឺកូវីដ-១៩ ភាពតានតឹងភូមិសាស្រ្តនយោបាយ និងការកើនឡើងឥណទានមិនដំណើរការជាដើម។ ជាក់ស្ដែងនៅក្នុងឆ្នាំ២០២៣ កន្លងទៅ ប្រាក់ចំណេញក្នុងវិស័យធនាគារបានធ្លាក់ចុះប្រមាណ៤០% បើធៀបនឹងឆ្នាំ២០២២។ តើការធ្លាក់ចុះប្រាក់ចំណេញនេះអាចបង្កផលប៉ះពាល់ដល់វិស័យធនាគារនៅកម្ពុជា ដែរឬទេ?