មង្គល ចាន់

កំណើន​ទុនវិនិយោគ​ក្នុងវិស័យ​សំណង់​នៅកម្ពុជា នារយៈ​ចុងឆ្នាំ​២០១៧នេះ នៅតែរក្សា​បាននូវ​កំណើនខ្ពស់​រឹងមាំ​គួរឲ្យ​កត់សម្គាល់ ទោះបីជា​ការ​បោះឆ្នោតជាតិ​នឹងត្រូវ​ចូលមក​ដល់នៅ​ឆ្នាំក្រោយនេះ​ក៏ដោយក្ដី។ តួយ៉ាង នៅរយៈពេល​១០ខែឆ្នាំនេះ ទុនវិនិយោគ​ក្នុងវិស័យ​សំណង់​បានហក់កើន​ឡើង​ប្រមាណ​២៧% ធៀប​នឹងរយៈពេល​ដូចគ្នា​កាលពី​ឆ្នាំ២០១៦។ ស្របទៅ​នឹងកំណើន​ទុនវិនិយោគ​ក្នុងវិស័យសំណង់​នេះដែរ ក៏បាន​ធ្វើឲ្យ​ក្រុមហ៊ុន​ប្រកប​អាជីវកម្មសិក្សាគម្រោងប្លង់ និងក្រុមហ៊ុនផ្គត់ផ្គង់សម្ភារ និងសេវាកម្មក្នុងវិស័យសំណង់ក៏មានការកើនឡើងច្រើនផងដែរ។