សោម ស្រីពេជ្រ

នៅទីបំផុតសហរដ្ឋអាម៉េរិក ក្រោមរដ្ឋបាលដឹកនាំរបស់លោក ដូណាល់ ត្រាំ បានសម្រេចដាក់ពន្ធគយបដិការចំនួន១៩% លើទំនិញកម្ពុជា នាំចូលទៅកាន់ទីផ្សារសហរដ្ឋអាម៉េរិក ក្រោយប្រទេសទាំងពីរបានខិតខំចរចាយ៉ាងស្វិតស្វាញអស់ជាច្រើនលើកកន្លងមកនេះ។ ក្រុមអ្នកជំនាញយល់ឃើញថា អត្រាពន្ធបដិការថ្មីនេះជាកម្រិតដ៏ល្អប្រសើរមួយ ដែលអាចជួយបង្កើនសមត្ថភាពប្រកួតប្រជែង ទាក់ទាញការវិនិយោគ និងជួយជំរុញការធ្វើពាណិជ្ជកម្មរបស់កម្ពុជាឱ្យកាន់តែប្រសើរបន្ថែមទៀត។