សឿន វណ្ណឌេត

ការជ្រើសរើសពូជសម្រាប់ដាំដុះគឺជាកត្តាកំណត់ដ៏សំខាន់មួយសម្រាប់កសិករដ្បិតថាប្រសិនបើកសិករជ្រើសរើសពូជមិនបានត្រឹមត្រូវវាអាចផ្តល់ទិន្នផលទាបឬអាចមានបញ្ហាទីផ្សារជាដើម។កត្តានេះហើយទើបជំរុញឱ្យក្រសួងកសិកម្មរុក្ខាប្រមាញ់និងនេសាទនៅមួយរយៈចុងក្រោយនេះបានណែនាំឱ្យកសិករអ្នកធ្វើស្រែងាកមកប្រើប្រាស់ពូជស្រូវសែនក្រអូប ០១ ដែលជាពូជស្រូវផលិតក្នុងស្រុកជាជាងប្រើពូជ OM ដែលជាពូជនាំចូល ព្រោះវាមានទីផ្សារនិងតម្លៃខ្ពស់។ តែយ៉ាងណាក៏ដោយយើងសង្កេតឃើញថាកសិករភាគច្រើននៅតែបន្តប្រើពូជស្រូវប្រភេទ OM បើទោះបីពូជសែនក្រអូបអាចលក់បានតម្លៃថ្លៃក៏ដោយ។