សឿន វណ្ណឌេត

បើតាមការគូសបញ្ជាក់របស់មន្ត្រីជាន់ខ្ពស់នៃរដ្ឋលេខាធិការដ្ឋានអាកាសចរណ៍ស៊ីវិល នៅក្នុងរយៈពេល៥ខែ ដើមឆ្នាំ២០២៤ កម្ពុជាស្រូបទាញភ្ញៀវទេសចរបរទេសបានចំនួនជាង២លាន៦សែននាក់ មានការកើនឡើងប្រមាណ២២% បើធៀបនឹងរយៈពេលដូចគ្នាកាលពីឆ្នាំមុន។ ទោះបីបច្ចុប្បន្នចំនួនភ្ញៀវទេសចរបរទេសមកកម្សាន្តនៅកម្ពុជា ហាក់មានការធ្លាក់ចុះបន្តិចក្តី តែមន្ត្រីជាន់ខ្ពស់អាកាសចរណ៍ស៊ីវិលអះអាងថា អាកាសយានដ្ឋានអន្តរជាតិសៀមរាបអង្គរ នៅតែទទួលបានអ្នកដំណើរជាហូរហែដោយជាមធ្យមមានជាង២ពាន់នាក់ក្នុង១ថ្ងៃ។