សឿន វណ្ណឌេត

គម្រោងវិនិយោគ និងធុរកិច្ច ដែលជាប់ពាក់ព័ន្ធនឹងអគារជាប់គាំង និងមិនជាប់គាំងចំនួន១៤ នៅខេត្តព្រះសីហនុ ដែលមានទុនវិនិយោគជាង៧៣០លានដុល្លារ ទទួលបានការលើកទឹកចិត្ត ការអនុគ្រោះ ការសម្រួលនីតិវិធី និងការដោះស្រាយពីរាជរដ្ឋាភិបាលកម្ពុជា។ គិតមកទល់ពេលនេះ មានគម្រោងវិនិយោគ និងធុរកិច្ចចំនួន៤១ហើយ ដែលទទួលបានការលើកទឹកចិត្តពីរាជរដ្ឋាភិបាល ខណៈក្រុមការងារជំរុញការវិនិយោគក្នុងខេត្តព្រះសីហនុ បាននិងកំពុងពិនិត្យលើសំណើរស្នើសុំការលើកទឹករបស់គម្រោង និងធុរកិច្ចជាង៣០បន្ថែមទៀតនាពេលខាងមុខ។