សឿន វណ្ណឌេត

កម្ពុជា និងវៀតណាមបានឯកភាពគ្នាជំរុញកិច្ចចរចា ដើម្បីពន្លឿនការទទួលស្គាល់បណ្ណចាក់វ៉ាក់សាំងកូវីដ-១៩ ទៅវិញទៅមក ដើម្បីបង្កភាពងាយស្រួលដល់ការធ្វើដំណើរចេញចូលរបស់ប្រជាជននៃប្រទេសទាំងពីរ។ ទន្ទឹមនឹងនេះ ភាគីទាំងពីរ ក៏បានឯកភាពគ្នាលើចំណុចមួយចំនួនទៀតផងដែរ ដើម្បីជំរុញការធ្វើពាណិជ្ជកម្ម សេដ្ឋកិច្ច និងការវិនិយោគ។ នេះបើយោងតាមខ្លឹមសារនៃកិច្ចជំនួបទ្វេភាគីរវាងនាយករដ្ឋមន្ត្រីកម្ពុជា ជាមួយនឹងប្រធានាធិបតីវៀតណាមនៅថ្ងៃទី ២១ ខែធ្នូ ឆ្នាំ២០២១។