Featured

ទីក្រុងហាណូយ កំពុងរៀបចំផែនការបង្កើតតំបន់កម្សាន្ត២៤ម៉ោងលើ២៤ម៉ោង និងតំបន់ដែលបើកដំណើរការរហូតដល់រំលងអធ្រាត្រ ដើម្បីជំរុញកំណើនសេដ្ឋកិច្ច និងសម្រេចគោលដៅឱ្យវិស័យនេះរួមចំណែកប្រមាណ៥% នៃផលិតផលសរុបក្នុងស្រុក (GDP) របស់​ទីក្រុង​នេះ​នៅឆ្នាំ២០៣០។ ផែនការនេះនឹងអនុញ្ញាតឱ្យមានខារ៉ាអូខេ ក្លឹបរាត្រី បារ Pub និងកន្លែងកម្សាន្តផ្សេងៗ ប៉ុន្តែត្រូវគោរពសន្តិសុខសណ្តាប់ធ្នាប់សាធារណៈ និងការគ្រប់គ្រងទីក្រុងឱ្យបានតឹងរ៉ឹង។ នេះបើយោងតាមការចុះផ្សាយរបស់សារព័ត៌មាន Vietnam News។