Latest

មន្ត្រីអាមេរិកដែលសុំមិនបញ្ចេញឈ្មោះ បានប្រាប់ទីភ្នាក់ងាររ៉យទ័រកាលពីថ្ងៃអង្គារ ទី ៦ មិថុនា ថា រដ្ឋមន្ត្រីការបរទេសសហរដ្ឋអាមេរិក លោក អាន់តូនី ប្លីងឃិន នឹងធ្វើដំណើរទៅប្រទេសចិនដើម្បីកិច្ចពិភាក្សាក្នុងប៉ុន្មានសប្តាហ៍ខាងមុខនេះ។ ដំណើររបស់លោកត្រូវបានគ្រោងសាជាថ្មីក្រោយពេលបានលុបចោលគម្រោងមុនកាលពីខែកុម្ភៈដោយសារតែការតឹងសរសៃកដាក់គ្នាចំពោះការបាញ់ទម្លាក់បាឡុងចិនដែលទីក្រុងវ៉ាស៊ីនតោនចោទថាជាយានស៊ើបការណ៍របស់ទីក្រុងប៉េកាំង។