តម្លៃដំឡូងមីស្រស់ស្ទុះងើបឡើងវិញខ្លាំងនៅដើមរដូវនេះ តើមានកត្តាអ្វីនៅពីក្រោយ?
តម្លៃដំឡូងមីស្រស់នៅកម្ពុជា ដែលធ្លាប់តែដាំក្បាលចុះហៅស្ទើរមិនលឺនៅប៉ុន្មានឆ្នាំចុងក្រោយនេះ បានរើបឡើងវិញគួរឱ្យកត់សម្គាល់នៅដើមរដូវប្រមូលផលឆ្នា…
មូលនិធិរូបិយវត្ថុអន្តរជាតិ បានព្យាករថា ប្រាក់ចំណូលពលរដ្ឋម្នាក់ៗនៅប្រទេសវៀតណាមនឹងកើនដល់៥,២៥៩ដុល្លារអាម៉េរិក នៅឆ្នាំ២០២៦ កើនឡើងជិត៩% បើធៀបឆ្នាំមុន និងខ្ពស់ជាងឥណ្ឌូនេស៊ី ដែលត្រូវបានព្យាករថា មានត្រឹម៥,១៥៣ដុល្លារ។ ក្នុងរយៈពេលមួយទសវត្សរ៍កន្លងមក ប្រាក់ចំណូលពលរដ្ឋម្នាក់ៗនៅវៀតណាម បានកើនឡើងជិតទ្វេដង ដែលធ្វើឱ្យប្រទេសនេះឈរនៅលំដាប់ទី៥ ក្នុងចំណោមប្រទេសនៅតំបន់អាស៊ាន។
កំណើននេះត្រូវបានជំរុញដោយការវិនិយោគផ្ទាល់ពីបរទេស ការអភិវឌ្ឍហេដ្ឋារចនាសម្ព័ន្ធ និងការពង្រីកវិស័យផលិតកម្ម។ ជាក់ស្តែងនៅក្នុងរយៈពេល៩ខែដំបូងនៃឆ្នាំ២០២៦ ការវិនិយោគផ្ទាល់ពីបរទេសមានចំនួនជាង២១ពាន់លានដុល្លារ កើនឡើង១២% ខណៈការនាំចេញកើនឡើង២៥% ដល់ ជាង៤៣៤ពាន់លានដុល្លារ។ ក្រុមហ៊ុនធំៗដូចជា ក្រុមហ៊ុន Samsung និងក្រុមហ៊ុន Foxconn របស់តៃវ៉ាន់ ជាដើម ក៏កំពុងពង្រីកខ្សែច្រវាក់ផលិតកម្មនៅវៀតណាមដែរ ជាពិសេសក្នុងវិស័យអេឡិចត្រូនិក និងបច្ចេកវិទ្យាខ្ពស់។
ចំណែកឯឥណ្ឌូនេស៊ីវិញ សេដ្ឋកិច្ចសម្រេចបានកំណើនប្រមាណ៥% ប៉ុណ្ណោះ ហើយការធ្លាក់ថ្លៃប្រាក់រូពី ក៏បានប៉ះពាល់ដល់កំណើនផលិតផលក្នុងស្រុកសរុបផងដែរ។ សូមបញ្ជាក់ថា វៀតណាម មានមហិច្ឆតាបង្កើនប្រាក់ចំណូលពលរដ្ឋម្នាក់ៗឱ្យឈានដល់៨,៥០០ដុល្លារនៅឆ្នាំ២០៣០។ ប៉ុន្តែអ្នកជំនាញព្រមានថា ដើម្បីសម្រេចគោលដៅនេះ វៀតណាម ត្រូវបន្តវិនិយោគលើវិស័យអប់រំ ការបណ្តុះបណ្តាលជំនាញកម្លាំងពលកម្ម និងការអភិវឌ្ឍបច្ចេកវិទ្យា គឺមិនមែនពឹងផ្អែកតែលើការសាងសង់ហេដ្ឋារចនាសម្ព័ន្ធប៉ុណ្ណោះទេ៕
