Latest

ស្របពេលពលរដ្ឋអាម៉េរិកជាច្រើននាក់ បាត់បង់ការងារធ្វើ ហើយទំនិញបានឡើងថ្លៃក្រោមគោលនយោបាយជំរុញប្រសិទ្ធភាពការងារ និងដំឡើងពន្ធលើទំនិញចិន កាណាដា និងម៉ិកស៊ិក ជាបន្តបន្ទាប់មកនេះ បានជំរុញឱ្យអ្នកវិភាគព្យាករថា សេដ្ឋកិច្ចអាម៉េរិក កំពុងស្ថិតនៅមាត់ជ្រោះនៃការធ្លាក់ចូលក្នុងវិបត្តិ។ តែទោះជាយ៉ាងណាក៏ដោយ លោក ដូណាល់ ត្រាំ ប្រធានាធិបតីអាម៉េរិក បានចេញមកច្រានចោលចំពោះការព្យាករនេះ ហើយបានអះអាងថា គោលនយោបាយរបស់លោកនឹងជួយឱ្យសេដ្ឋកិច្ចអាម៉េរិក មានភាពអស្ចារ្យ តែត្រូវការចំណាយពេលយូរបន្តិច។ នេះបើយោងតាមការចុះផ្សាយរបស់សារព័ត៌មាន អេភី។