តើហ្វីលីពីន ដែលជាប្រធានអាស៊ានប្តូរវេននៅឆ្នាំ២០២៦ កំពុងប្រឈមនឹងបញ្ហាអ្វីខ្លះ?
ការសិក្សាស្រាវជ្រាវថ្មីមួយបានអះអាងថា ប្រទេសហ្វីលីពីន ដែលជាប្រធានអាស៊ានប្តូរវេននៅឆ្នាំ២០២៦ កំពុងប្រឈមមុខនឹងវិបត្តិនយោបាយ និងសេដ្ឋកិច្ចដ៏ស្រ…
រដ្ឋាភិបាលហូឡង់មានគោលដៅសន្សំប្រាក់ឱ្យបាន៩០០លានអឺរ៉ូ ឬលើស១ពាន់លានដុល្លារអាម៉េរិកក្នុងមួយឆ្នាំឱ្យបានត្រឹមឆ្នាំ២០២៧ ហើយបង្កើនការសន្សំដល់ប្រមាណ៥ពាន់លានដុល្លារអាម៉េរិកក្នុងមួយឆ្នាំចាប់ពីឆ្នាំ២០៣៥។ ការកាត់បន្ថយបុគ្គលិកប្រមាណ២៥,០០០នាក់ នឹងធ្វើឡើងជាបន្តបន្ទាប់ក្នុងរយៈពេលជាច្រើនឆ្នាំ។ នេះបើយោងតាមការចុះផ្សាយរបស់សារព័ត៌មាន The Straits Times កាលពីថ្ងៃទី២៦ ខែតុលា។ ចំនួនមន្ត្រីរាជការរបស់ប្រទេសដែលមានប្រជាជនជាង១៨លាននាក់នេះបានកើនដល់កំណត់ត្រា ១៦០,០០០នាក់នៅចុងឆ្នាំ២០២៥ ពោលគឺកើនឡើង៤១% បើធៀបនឹងឆ្នាំ២០១៨។
លោក អេរិច វេន ដិន ប៊ឺក (Eric van den Burg) រដ្ឋមន្ត្រីទទួលបន្ទុកប្រសិទ្ធភាពរដ្ឋាភិបាលលើកឡើងថា រដ្ឋាភិបាលហូឡង់ មិនអាចបន្តធ្វើការដូចពីមុនទៀតបានទេ ហើយចាំបាច់ត្រូវសម្រេចចិត្តដ៏លំបាក ដើម្បីឱ្យរដ្ឋបាលកាន់តែសាមញ្ញ ឆ្លាតវៃ និងមានទំហំតូចជាងមុន។
ទោះជាយ៉ាងណា ប៉ូលិស និងវិស័យការពារជាតិនឹងត្រូវបានលើកលែងពីការកាត់បន្ថយនេះ។ ផ្ទុយទៅវិញ ក្រសួងស្ថាប័នអធិការកិច្ច និងភ្នាក់ងាររដ្ឋាភិបាលនានានឹងរងផលប៉ះពាល់ខ្លាំងជាងគេ ដោយនាយកដ្ឋានមួយចំនួនអាចត្រូវកាត់បន្ថយបុគ្គលិកពី៤៥% ទៅ៦០%។ ក្រៅពីការប្រើប្រាស់បច្ចេកវិទ្យា AI រដ្ឋាភិបាលហូឡង់ ក៏មានផែនការលុបចោលច្បាប់ និងបទប្បញ្ញត្តិដែលមិនចាំបាច់ ឬស្មុគស្មាញហួសហេតុមួយចំនួនធំផងដែរ ដើម្បីកាត់បន្ថយការិយាធិបតេយ្យ និងបន្ថយតម្រូវការបុគ្គលិក។
គណៈរដ្ឋមន្ត្រីហូឡង់ គ្រោងបង្ហាញផែនការប្រើប្រាស់ AI ឱ្យកាន់តែទូលំទូលាយនៅដើមឆ្នាំ២០២៧ ហើយទន្ទឹមនេះ រដ្ឋាភិបាលហូឡង់ ក៏ចង់ពឹងផ្អែកកាន់តែច្រើនលើក្រុមហ៊ុនបច្ចេកវិទ្យាហូឡង់ និងអឺរ៉ុប ដើម្បីកាត់បន្ថយការពឹងផ្អែកលើបច្ចេកវិទ្យាពីក្រៅតំបន់។ ផែនការនេះបានបង្ហាញពីការខិតខំប្រើប្រាស់ AI ដើម្បីកាត់បន្ថយការចំណាយ និងបង្កើនប្រសិទ្ធភាពរដ្ឋាភិបាល ខណៈដែលផលប៉ះពាល់លើការងាររបស់មនុស្សនៅតែជាបញ្ហាសំខាន់ដែលត្រូវតាមដាន៕
