Latest

ក្រុមហ៊ុនផលិតរថយន្តអគ្គិសនីរបស់មហាយក្សចិន BYD គ្រោងបង្ហាញកំណើនចំណែកទីផ្សារបន្ថែមទៀត បន្ទាប់ពីក្រុមហ៊ុននេះបានបង្ហាញទិន្នន័យនៃការលក់រថយន្តរបស់ខ្លួនប្រចាំខែវិច្ឆិកា។ តាមរយៈតួលេខដែលទើបចេញផ្សាយកាលពីពេលថ្មីៗនេះបានបង្ហាញឱ្យឃើញថា ក្រុមហ៊ុនដែលកំពុងក្លាយជាគូប្រជែងដ៏ធំលើពិភពលោកនេះ ទំនងជាអាចឈានទៅសម្រេចបានតាមគោលដៅប្រចាំឆ្នាំរបស់ខ្លួន និងអាចវ៉ាដាច់ក្រុមហ៊ុន Ford របស់អាម៉េរិក និងក្រុមហ៊ុន Honda របស់ជប៉ុន។ នេះបើយោងតាមការចេញផ្សាយរបស់សារព័ត៌មានធំៗជាច្រើន។