ព័ត៌មាន

លោក ប៊ូ ម៉ាន ជាកសិពាណិជ្ជករមួយរូបនៅខេត្តត្បូងឃ្មុំ ដែលបានចាប់ផ្តើមការដាំដុះដំណាំ៣ប្រភេទ គឺ ឪឡឹកលឿង ត្រសក់ផ្អែម និងពោតពណ៌ស្វាយ កាលពី១០ឆ្នាំមុន។ នៅពេលដាំបានផលលើកដំបូង លោកថា ឳឡឹកលឿង និង ត្រសក់ផ្អែមរបស់លោក តែ២ផ្លែប៉ុណ្ណោះដែលអាចលក់បានក្នុងមួយថ្ងៃ។ ប៉ុន្តែបច្ចុប្បន្ននេះ ដំណាំដែលកសិពាណិជ្ជករឆ្នើមមួយរូបដាំបាន គឺអាចផ្គត់ផ្គង់ទីផ្សារបានប្រមាណ ២តោន ក្នុងមួយថ្ងៃ និងបានពង្រីកការដាំដុះពីផ្ទៃដីកន្លះហិកតា មកដល់១០ហិកតាហើយ ដោយទីផ្សារសំខាន់របស់លោក គឺផ្សារទំនើបធំៗនៅរាជធានីភ្នំពេញ។