ព័ត៌មាន

សហរដ្ឋអាមេរិក ត្រូវបានគេមើលឃើញថា គឺជាប្រទេសមួយ ដែលបាននិងកំពុងសម្រុកចាក់វ៉ាក់សាំងបានលឿនជាងគេបំផុតនៅក្នុងពិភពលោក ហើយថ្មីៗនេះ ប្រធានាធិបតីអាមេរិក លោកចូបៃឌិន បានប្រកាសក្ដែងៗដែរថា អាមេរិកនឹងមានផែនការចាក់វ៉ាក់សាំងដូសទី១ ជូនពលរដ្ឋពេញវ័យរបស់ខ្លួនឲ្យបានដល់៧០% នៅត្រឹមថ្ងៃទី ៤ ខែកក្កដា ដែលជាថ្ងៃទិវាបុណ្យឯករាជ្យរបស់ខ្លួន ហើយរដ្ឋាភិបាលនឹងចាក់វ៉ាក់សាំងសម្រាប់ក្មេងៗដែលមានវ័យពី១២ ទៅ១៥ឆ្នាំផងដែរ បើសិនមានការអនុញ្ញាតបានឆាប់រហ័សពីអាជ្ញាធរផ្នែកសុខាភិបាលអាមេរិកនោះ។ នេះបើតាមការរាយការណ៍ដោយភ្នាក់ងារព័ត៌មាន Reuters។