ព័ត៌មាន

ទោះបីជាត្រូវប្រឈមមុខនឹងការរំខានដល់ខ្សែច្រវាក់ផ្គត់ផ្គង់ថាមពល និងការវាយប្រហារយ៉ាងធ្ងន់ធ្ងរពីបាតុភូត អែលនីញ៉ូ យ៉ាងណាក៏ដោយ ក៏ក្រុមអ្នកសេដ្ឋកិច្ចនៃធនាគារអភិវឌ្ឍន៍អាស៊ី (ADB) នៅតែបង្ហាញក្តីសង្ឃឹមថា ការស្ទុះងើបឡើងវិញ នៃការនាំចេញផលិតផលបច្ចេកវិទ្យា និងការវិនិយោគលើវិស័យបញ្ញាសិប្បនិម្មិតនឹងក្លាយជាក្បាលម៉ាស៊ីនដ៏មានថាមពលក្នុងការរុញច្រានសេដ្ឋកិច្ចតំបន់អាស៊ីអាគ្នេយ៍ឱ្យមានសម្ទុះវិជ្ជមាន។ ADB បានដំឡើងការព្យាករណ៍កំណើនសេដ្ឋកិច្ចអាស៊ីអាគ្នេយ៍ឡើងដល់៤,៧% សម្រាប់ឆ្នាំ២០២៦ និង៤,៩% សម្រាប់ឆ្នាំ២០២៧។