ព័ត៌មាន

មន្ត្រីជាន់ខ្ពស់ក្រសួងកសិកម្ម លើកទឹកចិត្តឱ្យកសិករចងក្រងគ្នាជាសហគមន៍កសិកម្មទំនើប ដើម្បីអាចការពារហានិភ័យ នៃការធ្លាក់ចុះតម្លៃស្រូវក្នុងរដូវប្រមូលផល ដ្បិតថា នៅពេលចងក្រងគ្នាជាសហគមន៍កសិកម្មទំនើប ប្រជាកសិករនឹងទទួលបានការតភ្ជាប់ទីផ្សារទុកជាមុន ជាមួយការកំណត់តម្លៃច្បាស់លាស់។ តួយ៉ាងថ្មីៗនេះ ក្រុមហ៊ុនវីរៈប៊ុនថាំ បានចុះកិច្ចសន្យាទិញស្រូវស្រង៉ែជាង៣ម៉ឺនតោនពីសហគមន៍កសិកម្មទំនើបចំនួន៦ នៅក្នុងខេត្តបាត់ដំបង និងខេត្តបន្ទាយមានជ័យ ក្នុងតម្លៃចន្លោះពី៩៥០រៀលទៅ១០៥០រៀលក្នុងមួយគីឡូក្រាម។