ព័ត៌មាន

ប្រទេសរុស្ស៊ី និងអ៊ុយក្រែន ដែលកំពុងធ្វើសង្គ្រាមជាមួយគ្នាឈានចូលឆ្នាំទី៥ បានជួលពលករបរទេសកាន់តែច្រើនឡើងៗ ជាពិសេសពលករមកពីឥណ្ឌា និងប្រទេសដទៃទៀតនៅតំបន់ Global South ដើម្បីដោះស្រាយកង្វះខាតកម្លាំងពលកម្ម ដែលបណ្តាលមកពីសង្គ្រាម។ ទោះជាយ៉ាងណារបាយការណ៍បានបង្ហាញថា ពលរដ្ឋឥណ្ឌា និងកេនយ៉ារាប់ពាន់នាក់បានចាញ់បោកគេធ្លាក់ខ្លួនក្លាយជាទាហានស៊ីឈ្នួលក្នុងសង្គ្រាមនៅអ៊ុយក្រែន ដោយខ្លះបាត់បង់ជីវិត ហើយខ្លះបាត់ដំណឹងសូន្យឈឹង។ នេះបើយោងតាមការចុះផ្សាយរបស់សារព័ត៌មាន Nikkei Asia កាលពីថ្ងៃទី២៤ ខែកុម្ភៈ។