បណ្ដាវិនិយោគិនចិន បន្តរើទីតាំងផលិតកម្មទៅវៀតណាម ដើម្បីគេចពីពន្ធគយរបស់សហរដ្ឋអាម៉េរិក
ចំនួនរោងចក្រសហគ្រាសរបស់ចិន ដែលរើទីតាំងផលិតកម្មទៅកាន់ប្រទេសវៀតណាម បានកើនឡើងចាប់តាំងពីលោក ដូណាល់ ត្រាំ ឡើងកាន់តំណែងជាប្រធានាធិបតីរបស…
ក្រុមហ៊ុនសាងសង់ហេដ្ឋារចនាសម្ព័ន្ធ ប៊្រូណឺជី អ៊ូតាម៉ា (Brunergy Utama) ដែលមានមូលដ្ឋាននៅប្រទេសព្រុយណេ បានបង្ហាញសំណើសុំអភិវឌ្ឍន៍គម្រោងផ្លូវដែក ឬផ្លូវរថភ្លើងល្បឿនលឿនដំបូងបង្អស់នៅលើកោះឥណ្ឌូនេស៊ី មានឈ្មោះថា ប័រណេអូ (Borneo) ដែលនឹងតភ្ជាប់ប្រទេសព្រុយណេ ជាមួយប្រទេសជិតខាងធំៗពីរ រួមមាន ឥណ្ឌូនេស៊ី និងម៉ាឡេស៊ី រួមទាំងក្រុងនូសានតារា (Nusantara) ដែលជារដ្ឋធានីថ្មី នាពេលអនាគតរបស់ឥណ្ឌូនេស៊ី ផងដែរ។
ក្រុមហ៊ុនដែលបានចាប់ផ្តើមបើកដំណើរការដំបូងជាក្រុមហ៊ុនប្រេង និងឧស្ម័នមុនពេលប្តូរទៅជាក្រុមហ៊ុនសាងសង់ហេដ្ឋារចនាសម្ព័ន្ធខាងលើនេះបានបង្ហាញគម្រោងខ្នាតយក្សនេះកាលពីចុងសប្តាហ៍មុន ដោយនិយាយថា គម្រោងផ្លូវដែកល្បឿនលឿនដែលមានឈ្មោះថា Trans-Borneo Railways នេះនឹងលាតសន្ធឹងរហូតដល់ទៅ១.៦២០គីឡូម៉ែត្រពីភាគខាងលិចឆ្ពោះទៅភាគខាងកើតនៃកោះប័រណេអូ ដោយរត់កាត់ប្រទេសអាស៊ានទាំង៣ខាងលើនេះ។
កោះប័រណេអូ របស់ឥណ្ឌូនេស៊ី ជាប់ឈ្មោះជាកោះធំបំផុតទី៣ ក្នុងពិភពលោកដោយមានផ្ទៃដីជិត៧៥ម៉ឺនគីឡូម៉ែត្រការ៉េ ជាមួយនឹងប្រជាជនជាង២៣លាននាក់។
សូមបញ្ជាក់ថា ប្រទេសឥណ្ឌូណេស៊ី គ្រោងនឹងរើរដ្ឋធានីរបស់ខ្លួនពីហ្សាកាតា ទៅកាន់ទីក្រុងថ្មី នូសានតារា (Nusantara) ដែលកំពុងសាងសង់នៅលើកោះនេះជាបណ្ដើរៗចាប់ពីឆ្នាំនេះ។
យោងតាមសំណើបានបង្ហាញថា គម្រោងបណ្តាញផ្លូវដែកល្បឿនលឿននេះនឹងមានស្ថានីយធំៗចំនួន៤ រួមជាមួយនឹងស្ថានីយតូចៗសរុបចំនួន២៤ផ្សេងទៀត ដែលអាចអនុញ្ញាតឱ្យរថភ្លើងរត់បានក្នុងល្បឿនរហូតដល់ទៅ៣៥០គីឡូម៉ែត្រក្នុង១ម៉ោង។
តាមការប៉ាន់ប្រមាណ គម្រោងខ្នាតយក្សនេះគ្រោងចំណាយរហូតដល់ទៅ៧០ពាន់លានដុល្លារអាម៉េរិកឯណោះ។ ទោះជាយ៉ាងណា ទស្សនវិស័យនៃគម្រោងខ្នាតយក្សរួមទាំងការចូលរួមពីសំណាក់ប្រទេសម៉ាឡេស៊ី និងឥណ្ឌូនេស៊ីផងដែរនោះនៅតែមិនទាន់ច្បាស់លាស់នៅឡើយទេ៕
ដោយ: តែម សុខុម
