អ្នកនាំពាក្យសាសារាជធានីភ្នំពេញ លោក ម៉េត មាសភក្តី បានប្រាប់ខេមបូណូមីសថា ឆាប់នេះអាជ្ញាធរនឹងបើកឲ្យសាធារណជនប្រើប្រាស់ស្ពានថ្មើរជើងថ្មីមួយទៀត នៅតំបន់សន្ធរមុខ នៅក្រោយពេលដែលស្ពានថ្មើរជើងផ្សារដើមគររួចរាល់១០០%។
លោកបានបញ្ជាក់ថាទៀតថា ជាគម្រោងសាលារាជធានីភ្នំពេញ អាចនឹងសាងសង់ស្ពានអាកាសថ្មើរជើងចំនួន ២៥ទីតាំងទៀត បន្ទាប់ពីបញ្ចប់គម្រោងនៅស្ពានថ្មើរជើងស្តុបសន្ធរមុខ តែគម្រោងទាំងថ្មីៗទាំងនោះ មិនទាន់កំណត់ច្បាស់លាស់ទេ ព្រោះថា ត្រូវមានការសិក្សាឲ្យបានល្អិតល្អន់ជាមុនសិន មុននឹងសម្រេចថាមានការសាងសង់នៅតំបន់ណាមួយ។
គួរបញ្ជាក់ថា ការស្ថាបនាសាងសង់ស្ពានអាកាសថ្មើរជើងនៅចំណុចផ្លូវប្រសព្វជាបួន(ស្តុបសន្ធរម៉ុក មហាវិថីម៉ៅសេទុងកែងប្រសព្វនឹងមហាវិថីកម្ពុជាក្រោម) និងស្ពានអាកាសថ្មើរជើងផ្សារដើមគ នៅលើមហាវិថីម៉ៅសេទុង គឺបានបើកការដ្ឋានដំណាលគ្នាកាលពីថ្ងៃទី២៨ ខែធ្នូ ឆ្នាំ២០១៩ ដែលម៉ៅការសាង់ដោយក្រុមហ៊ុន Space Media ដើម្បីផ្ដល់ភាពងាយស្រួលដល់ប្រជាពលរដ្ឋ និងសិស្សានុសិស្សឆ្លងកាត់ដោយថ្មើរជើងទៅមកសាលារៀន និងបញ្ចៀសគ្រោះថ្នាក់ជាយថាហេតុ។
អត្ថបទគួរអាន
សូមជម្រាបថា សាលារាជធានីភ្នំពេញគ្រោងសាងសង់ស្ពានអាកាសថ្មើរជើងចំនួន ២៥ទីតាំងទៀត ខ:ណពេលនេះស្ពានអាកាសថ្មើរជើងមានចំនួន៥ទីតាំងហើយ គឺស្ពានអាកាសថ្មើរជើងនៅតំបន់សាលាជម្ពូវន្ត័ចំនួន២ នៅរង្វង់មូលនាងគង្ហីងចំនួន១ នៅជិតសាលាសន្ឋម៉ុកចំនួន១ និងស្ពានអាកាសថ្មើរជើងនៅផ្សារដើមគរដែលគ្រោងដាក់ឲ្យដំណើរការឆាប់ៗនេះ៕
None
