Advertisement
មានវីដេអូ​នៅក្នុងអត្ថបទ!

ទូត​កម្ពុជា​នៅ​ឥណ្ឌូនេស៊ី ប្រាប់​អ្នក​សារព័ត៌មាន​ឲ្យ​​«បិទ​មាត់» ខណៈ​ព្យាយាម​​បញ្ឈប់​សន្និសីទ​កាសែត​របស់​គណបក្ស​សង្រ្គោះ​ជាតិ


លោក​ឯកអគ្គរដ្ឋទូត​កម្ពុជា​ប្រចាំ​នៅ​ឥណ្ឌូនេស៊ី នៅថ្ងៃ​ពុធ ទី​៦ ខែ​វិច្ឆិកា​នេះ បាន​ចូល​ទៅ​ព្យាយាម​រារាំង​បញ្ឈប់​សន្និសីទ​សារព័ត៌មាន​មួយ​របស់​លោកស្រី មូរ សុខហួរ អតីត​អនុប្រធាន​គណបក្ស​សង្រ្គោះជាតិ ដោយ​សំអាង​ថា ព្រឹត្តិការណ៍​នោះ​ជាការ​ខុស​ច្បាប់។
រូបភាពកាត់យកពី​វីដេអូ​ នៅលើ​ Twitter បង្ហាញ​វត្តមាន​លោក​ទូត​កម្ពុជានៅ​ឥណ្ឌូនេស៊ី នៅក្នុង​សន្និសីទ​កាសែត​របស់​អតីត​មន្ត្រី​បក្ស​សង្គ្រោះជាតិ ធ្វើនៅទីក្រុង​ហ្សាកាតា នាថ្ងៃទី៦ វិច្ឆិកា ២០១៩។
ដោយ
Advertisement

យោងតាម​ខ្សែ​វីដេអូ​ខ្លី​ដែល​ត្រូវ​បាន​គេ​ចែកចាយ​ពេញ​បណ្តាញ​សង្គម Twitter ឯកអគ្គរដ្ឋទូត​កម្ពុជា លោក ហោ ណាំបូរ៉ា បាន​ព្យាយាម​បញ្ឈប់​សន្និសីទ​សារព័ត៌មាន​នៅទីក្រុង​ហ្សាកាតា ហើយ​ថែមទាំង​យក​ក្បាល​មេក្រូ មក​និយាយ​ខ្លួន​ឯង​ផងដែរ។

នៅក្នុង​វីដេអូ​មួយ​ផ្សេង​ទៀត​ លោក ហោ ណាំបូរ៉ា បាន​ប្រាប់​អ្នកសារព័ត៌មាន​អន្តរជាតិ​មា្នក់ គឺ​លោកJames Massola មក​ពី​កាសែត Syney Morning Herald ឲ្យ​«បិទ​មាត់» នៅពេល​ដែល​អ្នក​កាសែត​រូប​នេះ​ចង់​សួរ​សំណួរ។ បើ​យោង​តាម​លោក James Massola សន្និសីទ​សារព័ត៌មាន​នោះ​​បាន​បន្ត​ទៅ​មុខ​ធម្មតា។

នៅលើ Twitter មាន​ការរិះគន់​ច្រើន​ទៅ​លើ​លោក ហោ ណាំបូរ៉ា ចំពោះ​ទង្វើ​នៅ​លើ​ទឹក​ដី​បរទេស។ គណនី​ Twitter ដែល​មាន​ឈ្មោះ​ថា dodyg បាន​និយាយ​ថា លោក ហោ ណាំបូរ៉ា បាន​ភ្លេច​ថា ខ្លួន​មិនមែន​ស្ថិត​នៅ​ក្នុង​ប្រទេស​កម្ពុជា​នោះ​ទេ ខណៈ​ដែល​លោក Lee Morgenbesser បាន​សរសេរ​ថា «វីដេអូ​រយៈ​ពេល​១០​វិនាទី​នេះ គឺ​ជា​ការ​ផ្សព្វ​ផ្សាយ​ដ៏​ក្រៀមក្រំ​ ប៉ុន្តែ ជា​ការពិត​នៃ​នយោបាយ​អាស៊ី​អាគ្នេយ៍។»

លោក សម រង្ស៊ី និង​ថ្នាក់ដឹកនាំ​ជាន់​ខ្ពស់​នៃ​គណបក្ស​សង្គ្រោះជាតិ ដែល​ត្រូវ​បាន​តុលាការ​កំពូល​រំលាយ​កាល​ពី​ឆ្នាំ​២០១៧ បាន​ប្រកាស​ថា នឹង​វិល​ត្រឡប់​មក​កម្ពុជា​វិញ​នៅ​ថ្ងៃ​ទី៩ ខែ​វិច្ឆិកា​នេះ ខណៈ​ដែល​រដ្ឋាភិបាល​បាន​ហៅ​ផែនការ​ត្រឡប់​មក​វិញ​នេះ ថា​ជា​ការប៉ុនប៉ង​ធ្វើ​រដ្ឋ​ប្រហារ។

រដ្ឋមន្រ្តី​ក្រសួង​ការពារជាតិ លោក ទៀ បាញ់ បាននិយាយនៅថ្ងៃទី៤ ខែវិច្ឆិកា ថា មានការចល័តនិងហ្វឹកហ្វឺនកម្លាំងទ័ពនៅតាមព្រំដែន ខណៈដែលថ្ងៃដែលអតីតមេដឹកនាំគណបក្សប្រឆាំងបានសន្យាថាវិលចូលកម្ពុជាវិញ​កាន់តែខិតជិតមកដល់។

នៅក្រោយ​ព្រឹត្តិការណ៍​នៃ​ការ​ព្យាយាម​រារាំង​សន្និសីទ​សារព័ត៌មាន​នេះ​បន្តិច​មក ស្ថានទូត​កម្ពុជា​នៅ​ឥណ្ឌូនេស៊ី បាន​ចេញ​សេចក្តី​ប្រកាស​ព័ត៌មាន​មួយ អំពាវនាវ​ឲ្យ​អាជ្ញាធរ​ឥណ្ឌូនេស៊ី​ចាប់​ខ្លួន​លោកស្រី មូរ សុខហួរ ដោយសារ​មាន​ដីកា​ចាប់​ខ្លួន​ពី​តុលាការ​កម្ពុជា។

សេចក្តី​ប្រកាស​ព័ត៌មាន​នោះ បាន​សរសេរ​ដូច្នេះ​ថា «ជា​អកុសល​ដែល​ប្រទេស​ឥណ្ឌូនេស៊ី ដែល​ជា​រដ្ឋ​សមាជិក​អាស៊ាន បាន​អនុញ្ញាត​ឲ្យ​លោកស្រី មូរ សុខហួរ ចូល​ក្នុង​ប្រទេស​ឥណ្ឌូនេស៊ី និង​ធ្វើ​សកម្មភាព​ប្រឆាំង​រដ្ឋាភិបាល​កម្ពុជា​នៅ​ទីក្រុង​ហ្សាកាតា បើ​ទោះបីជាមាន​ដីកា​ចាប់​ខ្លួន​ក្ដី៕»

Advertisement
© 2019 រក្សាសិទ្ធិ​គ្រប់​បែប​យ៉ាង​ដោយ ខេមបូណូមីស។ សម្រាប់​ការ​ប្រើ​ប្រាស់ ឬ​ផ្សាយ​បន្ត សូមទាក់ទង​មក អ៊ីម៉េល sothea[at]cambonomist.com ឬទូរស័ព្ទលេខ​ 089 777 076។



អត្ថបទបន្ទាប់


វៀតណាម រំពឹងនាំចេញផលិតផលសម្លៀកបំពាក់ ៤០ពាន់លានដុល្លារ ក្នុងឆ្នាំ ២០១៩

ព័ត៌មាន
ប្រទេសវៀតណាម បានបង្ហាញក្តីរំពឹងថា ពិតជាអាចនាំចេញផលិតផលវាយនភណ្ឌ និងសម្លៀកបំពាក់ ឲ្យបានដល់ ៤០ពាន់លានដុល្លារអាមេរិក ក្នុងឆ្នាំ ២០១៩នេះ...

កម្ពុជាប្រឈមនឹងកង្វះខាតថាមពលអគ្គិសនីជាថ្មីម្តងទៀត នារដូវប្រាំងឆ្នាំក្រោយនេះ

ព័ត៌មាន
ប្រទេសកម្ពុជា អាចប្រឈមនឹង កង្វះខាតថាមពលអគ្គិសនីជាថ្មីម្តងទៀ នៅរដូវប្រាំងដែលចូលមកដល់ឆាប់ៗនេះ ដោយសារតែ កត្តាធម្មជាតិមិនអំណោយផល ដែលធ្វើឲ្...
ច្រើនទៀត

អត្ថបទស្រដៀង


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ