អត្ថបទទាក់ទង
ថ្លែងក្នុងពិធីអបអរសាទរទិវាអន្តរជាតិនារី សម្តេច ស ខេង បានថ្លែងដូច្នេះថា ”ចំណុចនេះ ខ្ញុំធ្លាប់បានបញ្ជាក់ច្រើនហើយ ថា បដិវត្តន៍ពណ៌ វាមានអ្នកដែលប៉ុនប៉ងដើម្បីនឹងធ្វើការងារនេះ ហើយក៏បានជួបប្រទះរួចមកហើយ ក្រោយបោះឆ្នោតឆ្នាំ២០១៣ ប៉ុន្តែ ជួនពេលខ្លះ បដិវត្តន៍ពណ៌នេះ វាកើតចេញពីផ្ទៃក្នុងយើង ជួរយើង ដោយមិនដឹងខ្លួន ឬដោយអចេតនាតាមរយៈការមិនយកចិត្តទុកដាក់ អើពើ នូវសំណូមពរ សំណើ និងកង្វល់របស់ប្រជាពលរដ្ឋ ហើយបង្កើតឡើងនូវភាពអសកម្មនានា នៅតាមមូលដ្ឋាន ហើយប៉ះពាល់ដល់សិទ្ធិនិងផលប្រយោជន៍របស់ប្រជាពលរដ្ឋ។”
សម្ដេចឧបនាយករដ្ឋមន្ត្រី បានបន្តដូច្នេះថា “នោះក៏ជាមូលហេតុនៃការកកើតនៃចលនាបដិវត្តន៍ពណ៌នោះដែរ ដូច្នេះការដែលយើងយកចិត្តទុកដាក់ដើម្បីដោះស្រាយបញ្ហានានាទាក់ទងនឹងសិទ្ធិផលប្រយោជន៍របស់ប្រជាពលរដ្ឋ គឺជាកត្តាគន្លឹះដ៏សំខាន់មួយក្នុងការរារាំង បង្ការ ទប់ស្កាត់ នូវចលនាបដិវត្តន៍ពណ៌នោះឯង។”
នៅក្នុងពិធីនោះដែរ សម្តេច ស ខេង ក៏បានអំពាវនាវដល់អាជ្ញាធរត្រូវគ្រប់គ្រងដោះស្រាយជម្លោះ និងការទាមទារតវ៉ានានា ដោយសន្តិវិធី ឈរលើគោលការណ៍ច្បាប់ និងត្រូវជៀសវាងដាច់ខាតនូវអំពើហិង្សាគ្រប់រូបភាព៕
