កម្ពុជាបានរកឃើញករណីឆ្លងមេរោគបំប្លែងថ្មីឌែលតាជាង ១.៥០០ ករណីហើយ!

របាយការណ៍របស់ក្រសួងសុខាភិបាលបានបង្ហាញឲ្យដឹងថា រហូតមកដល់ថ្ងៃទី២៦ ខែសីហា នេះ កម្ពុជាបានរកឃើញករណីឆ្លងវិរុសកូវីដ-១៩ បំប្លែងថ្មី ឌែលតា នៅលើអ្នកដំណើរ តាមជើងហោះហើរ ពលករខ្មែរមកពីប្រទេសថៃ អ្នកភូមិនៅក្នុងសហគមន៍ ក្រុមហ៊ុនឯកជន អាជីវករ មន្ត្រីរាជការ យោធា ដូនជីនៅវត្ត និងរួមទាំងសិស្ស ផងដែរ ហើយមេរោគមួយនេះបានឆ្លងនៅទាំង២៣ រាជធានីខេត្ត នៅក្នុងប្រទេសកម្ពុជា។

គួរបញ្ជាក់ផងដែលថា ករណីឆ្លងជំងឺកូវីដ-១៩នៅទូទាំងប្រទេសកម្ពុជា នៅថ្ងៃនេះកម្ពុជាបានរកឃើញមានចំនួន ៤១១ករណី ជាសះស្បើយចំនួន ៣០៦ នាក់ និងស្លាប់ចំនួន ១៧ នាក់។ ដោយឡែក សរុបអ្នកឆ្លងនៅទូទាំងប្រទេសកម្ពុជា មានករណីអ្នកឆ្លងសរុប ចំនួន ៩១.៣៦៩នាក់ និងមានអ្នកជាសះស្បើយចំនួន ៨៧.២៩៩ នាក់ ខណៈអ្នកស្លាប់ចំនួន១,៨៥៨ នាក់៕

អត្ថបទ៖ ហួន ស្រីនីត