ក្រុមហ៊ុនផលិតរថយន្តអគ្គិសនី BYD នៅប្រេស៊ីល កំពុងរងបណ្តឹងជុំវិញការប្រើប្រាស់កម្មករដូចទាសករ
រដ្ឋអាជ្ញាដែលមានដែនសមត្ថកិច្ចគ្រប់គ្រងស្ថានភាពការងារកម្មករនៅក្នុងប្រទេសប្រេស៊ីលកំពុងប្តឹងក្រុមហ៊ុន BYD ដែលជាក្រុមហ៊ុនផលិតរថយន្តអគ្គិសនីរបស់ច…
ឯកឧត្តម ហុង សុហួរ ប្រតិភូរាជរដ្ឋាភិបាលទទួលបន្ទុកជាអគ្គនាយកផ្សារមូលបត្រកម្ពុជា បានគូសបញ្ជាក់ថា រាជរដ្ឋាភិបាលកម្ពុជា បានចេញបទបញ្ញត្តិថ្មីមួយ ដោយអនុញ្ញាតឱ្យក្រុមហ៊ុននានា អាចបោះផ្សាយមូលបត្របំណុលហេដ្ឋារចនាសម្ព័ន្ធ។ មូលបត្រនេះជាមូលបត្របំណុលថ្មីមួយ ដែលមានការវិនិយោគរយៈពេលវែង និងមានទំហំទឹកប្រាក់ច្រើន ខណៈនៅកម្ពុជា កំពុងមានតម្រូវការអភិវឌ្ឍន៍ហេដ្ឋារចនាសម្ព័ន្ធច្រើន។ ការអនុញ្ញាតឱ្យបោះផ្សាយមូលបត្របំណុលហេដ្ឋារចនាសម្ព័ន្ធនេះ គឺដោយសារកន្លងមករាជរដ្ឋាភិបាលកម្ពុជា បានវិនិយោគលើហេដ្ឋារចនាសម្ព័ន្ធនានា ក្នុងទំហំទឹកប្រាក់ដ៏ច្រើន និងត្រូវការពេលវេលាយូរទើបអាចទទួលបានផលត្រលប់មកវិញ ខណៈវិស័យឯកជនក៏ចាប់ផ្ដើមវិនិយោគលើហេដ្ឋារចនាសម្ព័ន្ធដូចជាកំពង់ផែ និងហេដ្ឋារចនាសម្ព័ន្ធផ្សេងទៀតជាបណ្ដើរៗផងដែរ។
ឯកឧត្តម ហុង សុហួរ ជឿជាក់ថា ចាប់ពីពេលនេះតទៅចំពោះគម្រោងហេដ្ឋារចនាសម្ព័ន្ធដែលមិនទាមទារឱ្យវិនិយោគក្នុងទំហំទឹកប្រាក់ច្រើន ឬគម្រោងណាដែលអ្នកវិនិយោគរំពឹងទទួលបានផលសងត្រលប់មកវិញក្នុងរយៈពេលលឿន នោះនឹងអាចមានវិស័យឯកជនចូលវិនិយោគតាមរយៈការប្រើប្រាស់យន្តខាងលើ ខណៈនាពេលកន្លងទៅគម្រោង សូឡាហ្វាម ដែលស្ថិតក្នុងមូលបត្រហេដ្ឋារចនាសម្ព័ន្ធ ត្រូវបានបោះផ្សាយរួចម្ដងមកហើយ។
សូមបញ្ជាក់ថា នាពេលថ្មីៗនេះរាជរដ្ឋាភិបាលកម្ពុជា គ្រោងដាក់ឱ្យមានការបោះផ្សាយលក់សញ្ញាបណ្ណហេដ្ឋារចនាសម្ព័ន្ធ ដែលឧបករណ៍ហិរញ្ញវត្ថុថ្មី សម្រាប់ក្រុមហ៊ុនគ្រប់គ្រងហេដ្ឋារចនាសម្ព័ន្ធអាចកៀរគរទុនពីការបោះផ្សាយនេះយកទៅអភិវឌ្ឍន៍គម្រោងហេដ្ឋារចនាសម្ព័ន្ធនានា។ គិតត្រឹមខែកុម្ភៈ ឆ្នាំ២០២៥ មានក្រុមហ៊ុនចំនួន២៤ បានចុះបញ្ជីនៅផ្សារមូលបត្រកម្ពុជា ក្នុងនោះក្រុមហ៊ុនចំនួន១១ បានចុះបញ្ជីបោះផ្សាយលក់ភាគហ៊ុន និងក្រុមហ៊ុនចំនួន១៣ បានចុះបញ្ជីបោះផ្សាយលក់សញ្ញាបណ្ណ ឬមូលបត្របំណុល ដោយក្រុមហ៊ុនទាំងនេះអាចកៀរគទុនពីទីផ្សារបានប្រមាណ៤៧៥លានដុល្លារ៕
អត្ថបទ៖ បូ ដូឡា
