តើកម្ពុជា មានចំណុចពិសេសអ្វីទាក់ទាញឱ្យវិនិយោគិនចិន បោះទុនវិនិយោគច្រើនជាងគេនៅឆ្នាំ២០២៤?
នៅពេញមួយឆ្នាំ២០២៤ កន្លងទៅ ក្រុមប្រឹក្សាអភិវឌ្ឍន៍កម្ពុជា បានអនុម័តលើគម្រោងវិនិយោគថ្មី និងគម្រោងពង្រីកផលិតកម្មបានចំនួន៤១៤គម្រោង ជាមួយទុនវិន…
ឯកឧត្តម ហេង សុខគង់ រដ្ឋលេខាធិការ និងជាអ្នកនាំពាក្យក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានឱ្យដឹងថា ជាមធ្យមនៅក្នុងមួយឆ្នាំៗ កម្ពុជា មានផែនការផលិតអំបិលចន្លោះពី៨ម៉ឺនតោនដល់១០ម៉ឺតោន តែលទ្ធផលជាក់ស្តែងវាអាស្រ័យលើអាកាសធាតុ។ បើតាមមន្រ្តីជាន់ខ្ពស់រូបនេះ ប្រសិនបើនៅឆ្នាំនេះ អាកាសអំណោយផលល្អ នោះទិន្នផលផលិតអំបិលអាចមានការកើនឡើងខ្ពស់។ បើតាមការគូសបញ្ជាក់របស់មន្ត្រីជាន់ខ្ពស់រូបនេះ ខែដែលផលិតអំបិលបានទិន្នផលខ្ពស់ជាងគេ គឺខែមេសា និងខែឧសភា ដែលជាខែក្ដៅខ្លាំង និងឆាប់ទទួលបានផល។
ទន្ទឹមនឹងនេះ អ្នកនាំពាក្យក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ រូបនេះ បានអះអាងថា ប្រសិនបើមានភ្លៀងធ្លាក់ច្រើននៅក្នុងរដូវប្រាំង នោះការផលិតអំបិលអាចនឹងមានផលប៉ះពាល់មួយចំនួនដែរ។ តែយ៉ាងណាឯកឧត្តម ជឿជាក់ថា បញ្ហាណាមួយដែលបង្កឡើងដោយការប្រែប្រួលអាកាសធាតុទំនងជាមិនធ្វើឱ្យប៉ះពាល់ធ្ងន់ធ្ងរដល់ការផលិតអំបិល និងការផ្គត់ផ្គង់អំបិលនៅកម្ពុជានោះទេ ដោយសារកម្ពុជា នៅសល់អំបិលក្នុងស្តុកច្រើន។
បច្ចុប្បន្នកម្ពុជា មានផ្ទៃដីផលិតអំបិលនៅក្នុងខេត្តកែប និងខេត្តកំពតជិត៤ពាន់ហិកតា ដោយបែងចែកជា ស្រែហាល ស្រែបណ្ដុះ និងអូរទឹក។ ជាក់ស្ដែងនៅក្នុងឆ្នាំ២០២៤ កន្លងទៅ កម្ពុជា បានផលិតអំបិលនៅលើផ្ទៃដីប្រមាណជិត៣ពាន់ហិកតាប៉ុណ្ណោះ និងទទួលបានទិន្នផលរហូតដល់ជាង១៦ម៉ឺនតោន កើនលើសផែនការដែលបានកំណត់៕
អត្ថបទ៖ បូ ដូឡា
