សេចក្តីប្រកាសព័ត៌មានដដែលបានឲ្យដឹងថា កាលពីល្ងាចថ្ងៃទី១៨ ខែកុម្ភៈ ឯកឧត្តមប្រាក់ សុខុន រដ្ឋមន្ត្រីក្រសួងការបរទេសកម្ពុជា បានជួបសន្ទនាតាមទូរស័ព្ទជាមួយ ឯកឧត្តម ស៊ូប្រាម៉ានយ៉ាំ ចៃហ្សុនកា រដ្ឋមន្ត្រីការបរទេសឥណ្ឌា ដើម្បីពិភាក្សាអំពីបញ្ហាកូវីដ-១៩។
ជាមួយគ្នានេះ ភាគីកម្ពុជាបានលើកឡើងពីតម្រូវការ ទិញវ៉ាក់សាំងបង្ការជំងឺកូវីដ-១៩ ចំនួន ៥លានដូស ដោយស្នើសុំឱ្យភាគីឥណ្ឌាផ្គត់ផ្គង់ វ៉ាក់សាំងនេះ ក្នុងដំណាក់កាលដំបូងចំនួន ១លានដូសសិន។
អត្ថបទទាក់ទង
យ៉ាងណាមិញ រដ្ឋមន្ត្រីការបរទេសឥណ្ឌាមិនទាន់បានឆ្លើយតបយ៉ាងណានោះទេ ដោយបានលើកឡើងថា បច្ចុប្បន្ន ឥណ្ឌាកំពុងមានតម្រូវការវ៉ាក់សាំងខ្ពស់ទាំងនៅក្នុង និងក្រៅប្រទេស។ ប៉ុន្តែលោកបានសន្យាថា នឹងជួយជ្រោមជ្រែងកម្ពុជាឲ្យទទួលបានវ៉ាក់សាំងទាំងនេះ ដោយនឹងដាក់សំណើរទៅកាន់រដ្ឋាភិបាលឥណ្ឌាក្នុងពេលខាងមុខ។
សូមបញ្ជាក់ថា បើតាមស្ថានទូតឥណ្ឌាប្រចាំកម្ពុជា បានអះអាងកាលពីថ្ងៃទី ០៦ ខែកុម្ភៈឆ្នាំ២០២១ថា ឥណ្ឌានឹងផ្ដល់ជំនួយវ៉ាក់សាំងកូវីដ-១៩ ចំនួន ១០ម៉ឺនដូសដល់កម្ពុជា ខណៈដែលកម្ពុជាកាលពីថ្ងៃទី ៧ ខែកុម្ភៈ កន្លងទៅថ្មីៗនេះ ទើបតែទទួលបានជំនួយវ៉ាក់សាំងប្រមាណ៦០ម៉ឺនដូសពីប្រទេសចិន និងបានចាក់ជូនអ្នកនៅជួរមុខបានមួយចំនួនរួចហើយដែរ៕
None
