កម្ពុជានឹងទទួលរងអាកាសធាតុចុះត្រជាក់ក្រោម១៨°Cចាប់ពីខែធ្នូរហូតដល់ខែកុម្ភៈឆ្នាំ២០២២

ក្រសួងធនធានទឹកបានបញ្ជាក់ទៀតថា ចំពោះស្ថានភាពបែបនេះ បានធ្វើឲ្យធាតុអាកាសចុះត្រជាក់នៅតំបន់ស៊ីបេរី នឹងបានរុញច្រានទ្រនុងសម្ពាធខ្ពស់ពីប្រទេសចិនចុះមកក្រោមនិងគ្របដណ្ដប់លើកម្ពុជា ហើយវានឹងធ្វើឲ្យកម្ពុជាអាចនឹងចុះត្រជាក់ខ្លាំង ខណៈនៅពេលខាងមុខនេះកម្ពុជាឈានចូលដល់ រដូវលំហើយដែលមានលក្ខណៈត្រជាក់ផង និងក្ដៅផង។  ហើយការប្រែប្រួលនេះត្រូវបានកើតមានឡើងចំនួន២លើកដូចជា៖

១ ការចុះត្រជាក់លើកទី១ ចាប់ពីសប្ដាហ៍ទី១ ដល់ សប្ដាហ៍ទី៣ខែធ្នូ ឆ្នាំ២០២១ នៅក្នុងអំឡុងពេលនោះថ្ងៃខ្លះអាចនឹងចុះត្រជាក់ក្នុងកម្រិតមធ្យមទៅបង្គួរ ទៅលើបណ្ដាលខេត្តនៅភាគខាងលើ តំបន់ជួរភ្នំដងរែក និងខ្ពង់រាបភាគឦសាន ដែលមាន សីតុណ្ហភាពអប្បបរិមា និងធ្លាក់ចុះក្នុងរង្វង់ពី១៨°C ដល់១៩°Cនិងរាជធានីខេត្តផ្សេងទៀតសីតុណ្ហភាពអប្បរបរិមាពី១៩°C ដល់២១°C។

២ ការចុះត្រជាក់លើកទី២ ចាប់ពីសប្ដាហ៍ទី៤ ខែធ្នូ ដល់ខែកុម្ភៈឆ្នាំ២០២២ អាចនឹងមានការចុះត្រជាក់ក្នុងកម្រិតមធ្យមទៅបង្គួរជាប់ៗគ្នាច្រើនថ្ងៃ ទៅលើបណ្ដាខេត្តនៅលើ តំបន់ជួរភ្នំដងរែក និងខ្ពង់រាបភាគឦសាន ដែលមានសីតុណ្ហភាពអប្បបរិមា និងធ្លាក់ចុះក្នុងរង្វង់ពី ១៥ °Cដល់ ១៧°C និងរាជធានីខេត្តផ្សេងទៀតសីតុណ្ហភាពអប្បរបរិមាពី១៨°Cដល់២០°C ផងដែរ។

សួមជម្រាបថា ក្រសួងធនធានទឹក និងឧតុនិយម ក៏សូមអំពាវនាវទៅដល់ប្រជាពលរដ្ឋទាំងអស់នៅទូទាំងប្រទេសមានការប្រុងប្រយ័ត្នឲ្យបានខ្ពស់ជាពិសេស បងប្អួនប្រជាពលរដ្ឋដែលរស់នៅក្នុងតំបន់ដែលមានដូចខាងលើមានការពារ និងត្រៀមខ្លួនជានិច្ច ហើយត្រូវយកចិត្តទុកដាក់កាន់តែខ្លាំងចំពោះការប្រែប្រួលបាតុភូតធម្មជាតិខាងលើនេះ ដើម្បីជៀសវាងបង្កជាគ្រោះថ្នាក់នៅអំឡុងពេលនោះផងដែរ៕

អត្ថបទ៖ ហួន ស្រីនីត