នៅក្នុងកិច្ចសម្ភាសន៍ជាមួយក្រុមសារព័ត៌មានចិន Xinhua ព្រះអង្គមានព្រះរាជបន្ទូលថា ព្រឹត្តិការណ៍កីឡាអូឡាំពិករដូវរងា និងកីឡាប៉ារ៉ាឡាំពិករដូវរងាប៉េកាំង ដែលក្រោមពាក្យស្លោកប្រធានបទ«រួមគ្នាឆ្ពោះទៅអនាគត» នេះបានបង្ហាញឱ្យឃើញពីបំណងប្រាថ្នារបស់សហគមន៍វាសនារួមនៃមនុស្សជាតិ និងការយកឈ្នះលើបញ្ហាប្រឈមជាសកល។ ព្រះមហាក្សត្រនៃព្រះរាជាណាចក្រកម្ពុជាជឿជាក់ថា ប្រជាជនចិនពិតជាមានសមត្ថភាពក្នុងការបង្ហញភាពអស្ចារ្យនៃព្រឹត្តិការណ៍កីឡាទៅកាន់ពិភពលោក។
ករុណាព្រះបាទសម្តេចព្រះបរមនាថ នរោត្តម សីហមុនី មានការរំពឹងទុកថា តាមរយៈចំណងមិត្តភាពនៃប្រជាជនទាំងពីរ ប្រទេសដែលប្រៀបដូចបងប្អូន នឹងបន្តពង្រឹងទំនាក់ទំនងកិច្ចសហប្រតិបត្តិការរវាងគ្នាកាន់តែរឹងមាំ។ កម្ពុជានិងចិននឹងរួមចំណែកកាន់តែធំធេងសម្រាប់សន្តិភាព ស្ថិរភាព ការអភិវឌ្ឍន៍ និងវិបុលភាពក្នុងតំបន់ ក៏ដូចជាការជំរុញការកសាងសហគមន៍វាសនារួមសម្រាប់មនុស្សជាតិ។ទំនាក់ទំនងរវាងកម្ពុជាចិន ត្រូវបានរដ្ឋាភិបាលប្រទេសទាំងពីរ អះអាងថាគឺជាមិត្តភាពដែកថែប ដោយកម្ពុជា និងចិន បានក្លាយជាមិត្តចាស់ដែលមានទំនាក់ទំនងយ៉ាងជិតស្និទ្ធលើគ្រប់វិស័យអស់រយៈពេល៦០ឆ្នាំកន្លងមកហើយ ហើយចំណងមិត្តភាពកម្ពុជា
អត្ថបទគួរអាន
មិនមែនមានតែព្រះរាជវត្តមានរបស់ព្រះមហាក្សត្រកម្ពុជាទេ ដែលយ៉ាងទៅចូលរួមក្នុងពិធីបើកព្រឹត្តិការណ៍កីឡាអូឡាំពិករដូវរងាទីក្រុងប៉េកាំងប្រទេសចិន ក្នុងនោះ ក៏មានព្រះរាជវត្តមានសែរាជវង្សថៃយ៉ាងទៅចូលរួមផងដែរ គឺព្រះអង្គម្ចាស់ក្សត្រី មហាចក្រី សុរិនថន ខណៈប្រទេសចិនក៏មានការទទួលព្រះរាជដំណើរយ៉ាងដិតដល់ផងដែរ។
អ្នកនាំពាក្យក្រសួងការបរទេសចិន លោក ចៅ លីចៀន បានថ្លែងថា ប្រទេសចិនស្វាគមន៍យ៉ាងកក់ក្ដីចំពោះព្រះរាជវត្តមានរបស់ព្រះអង្គម្ចាស់ក្សត្រី មហាចក្រី សុរិនថន នៃព្រះរាជាណាចក្រថៃ ដែលជាមិត្តចាស់ មិត្តល្អរបស់ប្រជាជនចិន និងអ្នកដែលទទួលបានមេដាយមិត្តភាពរបស់ចិន។
សូមបញ្ជាក់ថា កីឡាអូឡាំពិករដូវរងាទីក្រុងប៉េកាំងប្រទេសចិនត្រូវចាប់ផ្ដើមឡើងពីថ្ងៃទី ០៤ខែកុម្ភៈ និងត្រូវបិទបញ្ចប់នៅត្រឹមថ្ងៃទី ២០ខែកុម្ភៈ។ ព្រឹត្តិការណ៍កីឡានេះ ក៏មានការប្រទាំងប្រទើសគ្នាខ្លាំងណាស់ដែររវាងប្រទេសចិន និងប្រទេសលោកខាងលិច ពិសេសអាមេរិក ដោយមានក្រុមប្រទេសលោកខាងលិចមួយចំនួន បានធ្វើពហិការការទូតចំពោះព្រឹត្តិការណ៍មួយនេះ ក្រោមហេតុផលថា ប្រទេសចិនមានការរំលោភសិទ្ធិមនុស្ស៕
None
