នាយកប្រតិបត្តិក្រុមហ៊ុន អភិវឌ្ឍន៍ភោជនីយដ្ឋាន RD គឺលោក Andrew Norton បានអះអាងប្រាប់សារព៏ត៌មានខាងលើនេះថា «នៅឆ្នាំនេះ យើងមានផែនការវិនិយោគប្រមាណ២ពាន់លានបាត (ជាង៦៤លានដុល្លារអាមេរិក) ក្នុងការពង្រីកសាខាក្រោមការគ្រប់គ្រងរបស់ក្រុមហ៊ុន RD ក៏ដូចជាធ្វើឲ្យប្រសើរឡើងនូវសាខាដែលមានស្រាប់ផងដែឬ ដើម្បីផ្ដល់នូវបទពិសោធន៍កាន់តែប្រសើរដល់អតិថិជន»។
លោក Andrew បន្ថែមថា ក្នុងរយៈពេល៣ឆ្នាំកន្លងមកនេះក្រុមហ៊ុន RD បានបើកសាខា KFC ចំនួន៨៥សាខា និងត្រៀមបង្កើត១៥សាខាបន្ថែមទៀតនៅដើមឆ្នាំ២០២១ ខណៈដែលគិតមកទល់បច្ចុប្បន្នក្រុមហ៊ុននេះ មានសាខា KFC នៅក្នុងប្រទេសថៃ ២០៧ សាខា។
អត្ថបទទាក់ទង!
នាយកប្រតិបត្តិក្រុមហ៊ុន RD រូបនេះ បានគូសបញ្ជាក់ទៀតថា ក្រុមហ៊ុន នឹងប្រារព្ធខួប៤ឆ្នាំនៃការទទួលបានសិទ្ធិបន្ត KFC សម្រាប់ទីផ្សារប្រទេសថៃនៅក្នុងពេលឆាប់ៗនេះ ដោយក្រុមហ៊ុនចាត់ទុកថា នេះគឺជាការរីកចម្រើនលឿនបំផុតនៃ Franchiseeរបស់ហាង KFC នៅក្នុងប្រទេសថៃ។ នៅក្នុងរយៈពេល៣ឆ្នាំមកនេះ ការលក់របស់ KFC ស្ថិតក្រោមការគ្រប់គ្រងរបស់ ក្រុមហ៊ុន RD នៅក្នុង ប្រទេសថៃ គិតជាមធ្យមមានការកើនឡើងប្រមាណ ២៤% ធៀបនឹងកាលពីពេលដែលហាងនេះ បានបើកក្នុងទីផ្សារនាពេលថ្មីៗ។ បន្ថែមពីនេះទៀត បច្ចុប្បន្ននេះ ក្រុមហ៊ុន RD មានបុគ្គលិកសរុបនៅក្នុង ប្រទេសថៃជាង១.៧០០នាក់។
គិតត្រឹមថ្ងៃទី ៣១ ខែកក្កដា ភោជនីយដ្ឋាន KFC នៅក្នុងប្រទេសថៃ សរុបមានចំនួន ៨២៦ កន្លែង ដោយមានការកាន់កាប់ដោយក្រុមហ៊ុនផ្សេងៗគ្នា ក្នុងនោះ មាន២៨៣ កន្លែងគ្រប់គ្រងដោយក្រុមហ៊ុន Central Restaurants Group, ៣៣៦ កន្លែងទៀតគ្រប់គ្រងដោយក្រុមហ៊ុន QSR of Asia, និង២០៧ គ្រប់គ្រងដោយក្រុមហ៊ុន RD៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
