រុស្ស៊ីផ្លោងមីស៊ីលសម្ដៅកំពង់ផែអូដេសារបស់អ៊ុយក្រែន ខណៈក្រុងកៀវចោទម៉ូស្គូចង់បំផ្លាញកន្លែងស្តុកស្រូវសាលី
កិច្ចព្រមព្រៀងបើកឱ្យនាំចេញស្បៀងអាហាររបស់អ៊ុយក្រែន ទើបតែចុះហត្ថលេខារួចមិនបានប៉ុន្មានថ្ងៃផង ឥឡូនេះ ភាគីរុស្ស៊ីបានបាញ់មីស៊ីលវាយប្រហារលើកំព…
ការទម្លាក់ទឹកប្រាក់ដ៏ច្រើនបែបនេះ សំដៅស្តារសេដ្ឋកិច្ចចិនឱ្យមានល្បឿនឡើងវិញ ក្រោយពីបានកត់ត្រាកំណើនប្រចាំត្រីមាសដ៏ខ្សោយ និងយឺតបំផុតចាប់តាំងពីត្រីមាសទី២ឆ្នាំ២០២០មក។
គណៈកម្មាធិការអភិវឌ្ឍន៍ និងកំណែទម្រង់ជាតិចិន បានអនុម័តគម្រោងវិនិយោគហេដ្ឋារចនាសម្ព័ន្ធធំៗចំនួន ៤៨ គម្រោងក្នុងរយៈពេល៥ខែដំបូងនៃឆ្នាំនេះ ដែលមានតម្លៃសរុបជាង៩៦ពាន់លានដុល្លារ។ ចំនួននេះស្មើនឹងជាង ៨០%ទៅហើយ នៃចំនួនទឹកប្រាក់វិនិយោគសរុបសម្រាប់ឆ្នាំ ២០២១ទាំងមូល។
ក្នុងនោះ ហេដ្ឋារចនាសម្ព័ន្ធដូចជា គម្រោងផលិត និងផ្គត់ផ្គង់អគ្គិសនី ឧស្ម័ន និងទឹក បានឃើញពីកំណើននៃការវិនិយោគដល់ទៅ ១៥% ក្នុងរយៈពេល៦ខែដំបូងនៃឆ្នាំ២០២០ ធៀបនឹងរយៈពេលដូចគ្នាកាលពីឆ្នាំមុន។ ខណៈពេលដែលការវិនិយោគលើការអភិរក្សទឹក បរិស្ថាន និងការគ្រប់គ្រងសេវាសាធារណៈបានកើនឡើងជិត១១%។ ផ្ទុយទៅវិញ ទិន្នន័យបានបង្ហាញថា ការវិនិយោគលើផ្លូវដែក និងការដឹកជញ្ជូនតាមផ្លូវគោកបានធ្លាក់ចុះជាង ៤% ក្នុងរយៈពេលដូចគ្នានោះ។
ទន្ទឹមនឹងនោះ ការអភិវឌ្ឍក្នុងវិស័យថាមពលកំពុងរីកចម្រើនយ៉ាងខ្លាំង ដោយសារមានការប្តេជ្ញាចិត្តរបស់ប្រទេសចិនចំពោះគោលនយោបាយអព្យាក្រឹតភាពកាបូន ស្របតាមកិច្ចព្រមព្រៀងអាកាសធាតុក្រុងបារីស។ ប្រទេសចិនចង់ឃើញ ការបំភាយកាបូនក្នុងប្រទេសខ្លួនធ្លាក់ចុះក្នុងកំរិតខ្ពស់បំផុតឱ្យបានមុនឆ្នាំ២០៣០ ហើយគ្មានការបំភាយកាបូនសោះតែម្តង នៅត្រឹមឆ្នាំ ២០៦០។
សូមជម្រាបថា ការប្តេជ្ញាចិត្តរបស់ទីក្រុងប៉េកាំង ចំពោះការជំរុញហេដ្ឋារចនាសម្ព័ន្ធ ស្ថិតក្នុងក្តីសង្ឃឹមថា វាអាចជំរុញកំណើនសេដ្ឋកិច្ចឱ្យបានឆាប់តាមដែលអាចធ្វើទៅបាន ខណៈអ្នកវិភាគមួយចំនួនបានឆ្លើយតបជាវិជ្ជមានចំពោះចំណាត់ការបែបនេះរបស់ប៉េកាំង។
ទោះជាយ៉ាងណាក៏ដោយ អ្នកវិភាគមួយចំនួនក៏បានព្រមានដែរថា កំណើននៃហេដ្ឋារចនាសម្ព័ន្ធអាចត្រូវបានប៉ះទង្គិចដោយការកើនឡើងនៃថ្លៃដើមវត្ថុធាតុដើមសាងសង់ដោយសារតែអតិផរណា ដែលអាចឈានទៅរាំងស្ទះ សមត្ថភាពរីកច្រើនរបស់វិស័យមួយនេះ ក្នុងការជំរុញកំណើនសេដ្ឋកិច្ច។
សូមជម្រាបថា ធនាគារអភិវឌ្ឍអាស៊ី ADB ទើបបានព្យាករថា សេដ្ឋកិច្ចចិននឹងកើនឡើង ៤%នៅឆ្នាំនេះ ជំនួសឱ្យអត្រា ៥%ដែលធ្លាប់បានព្យាករពីមុន។ សេដ្ឋកិច្ចចិនកើនយឺត ក៏ដោយសារតែប្រទេសចិនបានជាប់គាំងនៅក្នុងគោលនយោបាយកូវីដ១៩ស្មើសូន្យ រួមមានការអនុវត្តវិធានការណ៍ទប់ស្កាត់ទ្រង់ទ្រាយធំម្តងហើយម្តងទៀត ពិសេសគឺការបិទខ្ទប់ ដើម្បីប្រយុទ្ធប្រឆាំងនឹងការផ្ទុះឡើងនៃមេរោគកូវីដ១៩ប្រភេទ៕
