ធនាគារធំៗនៅវៀតណាមកើនប្រាក់ចំណេញច្រើននៅត្រីមាសទី១ឆ្នាំនេះ តើមានកត្តាអ្វីនៅពីក្រោយ?
ធនាគារធំៗភាគច្រើននៅវៀតណាមបានរាយការណ៍ពីការកើនឡើងប្រាក់ចំណេញនៅក្នុងត្រីមាសទី១នៃឆ្នាំ២០២១នេះ ខណៈដែលកំណើនឥណទានមានការស្ទុះងើបឡើងវិញ ហើយ…
អ្នកនាំពាក្យការិយាល័យស្ថិតិជាតិរបស់ចិន លោក Liu Aihua បាននិយាយថ្មីៗនេះថា «សេដ្ឋកិច្ចជាតិបានចាប់ផ្ដើមឡើងយ៉ាងល្អ!»។ ការកើនឡើងនៃកំណើនសេដ្ឋកិច្ចចិននេះ ត្រូវបានអ្នកនាំពាក្យរូបនេះ បានគូសបញ្ជាក់ថា មានមួយផ្នែកដោយសារតែតួលេខកំណើនឆ្នាំមុនមានមូលដ្ឋានទាប ហើយកាលពីខែកុម្ភៈកន្លងនេះ រដ្ឋាភិបាលចិនបានជំរុញឲ្យពលរដ្ឋនៅធ្វើការ ដោយមិនបានឈប់សម្រាកចូលឆ្នាំចិនទេ ព្រោះបារម្ភពីការឆ្លងកូវីដ-១៩ ដូច្នេះហើយទើបធ្វើឲ្យកំណើននៅត្រីមាសទី១នេះ មានការស្ទុះកើនខ្លាំងយ៉ាងដូច្នេះ។
នៅក្នុងខែមីនា ទិន្នផលឧស្សាហកម្មរបស់ចិន បានកើនឡើងជាង១៤% ធៀបនឹងរយៈពេលដូចគ្នាកាលពីឆ្នាំមុន ដែលធ្វើឲ្យទិន្នផលឧស្សហកម្មនៅរយៈពេល ៣ដំបូងនៃឆ្នាំនេះ សម្រេចបានជាង២៤%។ ការលក់រាយវិញ នៅត្រីមាសទី១កន្លងនេះ បានកើនឡើងជិត៣៤%។
នៅក្នុងខែមីនា អត្រាអ្នកគ្មានការងារធ្វើនៅក្នុងទីក្រុងបានធ្លាក់ចុះមកដល់ ៥,៣% នៅគ្រាដែលការប្រើប្រាស់នៅក្នុងប្រទេសចិនក៏មានការស្ទុះងើបឡើងវិញដែរ។
ទោះយ៉ាងណា មន្ត្រីជាន់ខ្ពស់ចិន ក៏បានព្រមានអំពីស្ថានភាពពិភពលោក ដែលកំពុងស្ថិតក្នុងស្ថានភាពមិនច្បាស់លាស់នៅឡើយ។
None
