អ្នកជំនាញថា ទោះវិស័យអចលនទ្រព្យកម្ពុជាបច្ចុប្បន្នកំពុងធ្លាក់ចុះ តែវិស័យនេះនៅតែមានសក្តានុពល
កាលពីប៉ុន្មានឆ្នាំមុន វិស័យអចលនទ្រព្យបានដើរតួនាទីជាវិស័យសរសស្តម្ភមួយក្នុងការជួយជំរុញកំណើនសេដ្ឋកិច្ចរបស់កម្ពុជា។ ប៉ុន្តែនៅប៉ុន្មានឆ្នាំចុង…
រដ្ឋមន្ត្រីមកពីប្រទេសជាសមាជិកចំនួន១៦៤ របស់អង្គការពាណិជ្ជកម្មពិភពលោក (WTO) នឹងជួបប្រជុំគ្នានៅក្នុងទីក្រុងអាប៊ូដាប៊ី (Abu Dhabi) នៃប្រទេសអេមីរ៉ាតអារ៉ាប់រួម សម្រាប់សន្និសិទធ្វើឡើង២ឆ្នាំម្ដង ចន្លោះពីថ្ងៃទី២៦-២៩ ខែកុម្ភៈ ដ៏ខ្លីខាងមុខនេះ ក្នុងគោលបំណងស្វែងរកការឯកភាពគ្នាលើកំណែទម្រង់របស់អង្គការពាណិជ្ជកម្មពិភពលោក WTO លើពាណិជ្ជកម្មតាមប្រព័ន្ធអេឡិចត្រូនិក (E-commerce) និងលើការឧបត្ថម្ភធនសម្រាប់ការនេសាទ និងកសិកម្ម។
លោក វ៉ាល់ឌីស ដមប្រូស្គីស (Valdis Dombrovskis) ឧត្ដមស្នងការទទួលបន្ទុកពាណិជ្ជកម្មអឺរ៉ុប និយាយថា សហភាពអឺរ៉ុបចង់ជំរុញការជជែកដេញដោលលើគោលនយោបាយពាណិជ្ជកម្ម និងឧស្សាហកម្ម ដែលរួមមាន ការអនុញ្ញាតឱ្យបណ្ដាប្រទេសអភិវឌ្ឍន៍តិចតួចធ្វើឧស្សាហូបនីយកម្ម និងការកាត់បន្ថយផលប៉ះពាល់នៃការឧបត្ថម្ភធនលើវិស័យផ្សេងៗ។
លោកបាននិយាយថា ប្រទេសចិន គឺជាប្រទេសដែលទទួលបានអត្ថប្រយោជន៍ច្រើនបំផុតពី WTO ដូច្នេះប្រទេសនេះ គួរតែចាប់អារម្មណ៍លើការការពារស្ថាប័ននេះ និងត្រៀមខ្លួន ដើម្បីដោះស្រាយបញ្ហាប្រឈមថ្មីៗ។ លោកអះអាងថា ប្រសិនបើបញ្ហាទាំងនោះមិនត្រូវបានដោះស្រាយទេ ប្រទេសផ្សេងៗនឹងចាប់ផ្តើមដោះស្រាយវាម្តងមួយៗដោយខ្លួនឯងតាមការយល់ដឹង និងសក្ដានុពលនយោបាយរបស់ពួកគេ ហើយការធ្វើបែបនេះចង់ ឬមិនចង់វាអាចបណ្តាលឱ្យខូចខាតកាន់តែច្រើនដល់ប្រទេសចិន ដែលផ្តោតលើការនាំចេញ។ ទោះជាយ៉ាងណា ពេលនេះប្រទេសចិន មិនទាន់មានការឆ្លើយតបទៅនឹងការលើកឡើងរបស់លោក វ៉ាល់ឌីស ដមប្រូស្គីស (Valdis Dombrovskis)ឧត្ដមស្នងការទទួលបន្ទុកពាណិជ្ជកម្មអឺរ៉ុបនៅឡើយទេ៕
ដោយៈ សរ សុជាតិ
None
