សិង្ហបុរី ក្លាយជាទីក្រុងអាស៊ានតែមួយគត់ ដែលមានឈ្មោះនៅក្នុងបញ្ជីទីក្រុងមានសេដ្ឋីច្រើនជាងគេ?
នៅក្នុងចំណោមប្រទេសក្នុងតំបន់អាស៊ានទាំង១០ប្រទេស មានតែទីក្រុងសិង្ហបុរី តែមួយគត់ ដែលមានឈ្មោះនៅក្នុងបញ្ជីទីក្រុង ដែលមានកំពូលសេដ្ឋីមានលុយចាប…
សមាគមភ្នាក់ងារចែកចាយរថយន្តចិន (CADA) ដែលរួមបញ្ចូលទាំងអ្នកចែកចាយឯករាជ្យ និងអ្នកចែកចាយពីក្រុមហ៊ុនផ្ទាល់ផងបានបញ្ជាក់កាលពីថ្ងៃទី២៣ ខែកញ្ញា ថា ខ្លួនបានផ្ញើរបាយការណ៍បន្ទាន់មួយ ដើម្បីរាយការណ៍ជូនរដ្ឋាភិបាលចិន អំពីស្ថានភាពនេះ។ អ្នកចែកចាយជាច្រើនបានទទួលរងការខាតបង់ធ្ងន់ធ្ងរ ហើយកំពុងបន្តដំណើរការអាជីវកម្មទាំងត្រដាបត្រដួស។
ស្តុករថយន្តបានកើនឡើងខ្ពស់ដោយសារកត្តារួមផ្សំដូចជាការធ្លាក់ចុះការចំណាយរបស់អតិថិជនជាអ្នកប្រើប្រាស់ និងសម្ពាធពីបណ្ដាក្រុមហ៊ុនផលិតរថយន្ត ដោយឱ្យអ្នកចែកចាយទទួលយកស្តុកទុករថយន្តបន្ថែមទៀត។
យោងតាមរបាយការណ៍របស់សមាគមភ្នាក់ងារចែកចាយរថយន្តចិន (CADA) បានឱ្យដឹងថា អ្នកចែកចាយដែលកំពុងមានបញ្ហាស្ទះលុយកាក់ត្រូវបង្ខំចិត្តលក់រថយន្តចេញដោយបញ្ចុះតម្លៃយ៉ាងច្រើន។ សង្គ្រាមបញ្ចុះតម្លៃបានធ្វើឱ្យតំណាងចែកចាយលក់ចេញរថយន្តក្រោមតម្លៃបោះដុំ ឬលក់ខាតដើម ដូចនេះមានន័យថា ពួកគេលក់ចេញកាន់តែច្រើន ការខាតបង់ក៏កាន់តែច្រើនទៅតាមនោះដែរ។
របាយការណ៍នេះបានអំពាវនាវឱ្យរដ្ឋាភិបាលចិន ណែនាំឱ្យគ្រឹះស្ថានធនាគារជួយផ្ដល់ឥណទាន ដើម្បីជួយសង្គ្រោះតំណាងចែកចាយរថយន្តទាំងនោះ ហើយថា គ្រឹះស្ថានធនាគារ និងអ្នកចែកចាយរថយន្តគួរតែធ្វើការរួមគ្នា ដើម្បីរក្សាស្ថិរភាពទីផ្សាររថយយន្តនៅក្នុងប្រទេសដែលមានសេដ្ឋកិច្ចធំបំផុតទី២របស់ពិភពលោកមួយនេះ៕
ដោយ: តែម សុខុម
None
