ធនាគារ មេយប៊ែង ខេមបូឌា ដាក់ដំណើរការកម្មវិធី HERpower
ធនាគារ មេយប៊ែង ដែលជាគ្រឹះស្ថានហិរញ្ញវត្ថុឈានមុខគេនៅក្នុងតំបន់ បានបញ្ជាក់ពីការប្តេជ្ញាចិត្តរបស់ខ្លួនសារជាថ្មី ក្នុងការជម្រុញកំណើនសេដ្ឋកិច្ច …
នាសិក្ខាសាលាស្តីពី «ចំណុចនៃការវិភាគឥណទាន និងបច្ចេកទេសសម្ភាសន៍នៃការវិភាគឥណទាន» នាថ្ងៃទី១៩ ខែវិច្ឆិកា ឆ្នាំ២០២៤ លោក TABATA Hidetaka នាយកផ្នែកសហប្រតិបត្តិការអន្តរជាតិ នៃវិទ្យាស្ថានស្រាវជ្រាវគោលនយោបាយនៃក្រសួងហិរញ្ញវត្ថុជប៉ុន បានគូសបញ្ជាក់ថា សិក្ខាសាលានេះ មានគោលបំណងផ្តល់នូវចំណេះដឹងជាក់ស្តែងបន្ថែម ក្នុងការពង្រឹងសមត្ថភាពរបស់បុគ្គលិកធនាគារ SME កម្ពុជា ក្នុងការវិភាគឥណទានឱ្យកាន់តែប្រសើរ ដើម្បីជួយគាំទ្រដល់សហគ្រាសធុនតូច និងមធ្យម ក្នុងការទទួលបានកម្ចីយកទៅប្រើប្រាស់ ជាពិសេសសម្រាប់សហគ្រាសទើបបង្កើតថ្មីតែម្តង។ លោកសង្ឃឹមថា តាមរយៈសិក្ខាសាលានេះ សិក្ខាកាមនឹងទទួលបានចំណេះដឹងថ្មីបន្ថែមទៀត ជាពិសេសចំណេះដឹងក្នុងការវិភាគឥណទាន ក៏ដូចជាតិចនិចក្នុងការសម្ភាសជាមួយសហគ្រាសទទួលកម្ចី។
លោកបណ្ឌិត លឹម អូន អគ្គនាយកធនាគារសហគ្រាសធុនតូច និងមធ្យមកម្ពុជា បានគូសបញ្ជាក់ថា កិច្ចសហប្រតិបត្តិការរវាងធនាគារ SME ជាមួយស្ថានប័នជប៉ុននេះ គឺដើម្បីរួមចំណែកអភិវឌ្ឍន៍វិស័យសហគ្រាសធុនតូច និងមធ្យម ក៏ដូចជាវិស័យហិរញ្ញវត្ថុនៅកម្ពុជា ឱ្យកាន់តែរីកចម្រើនបន្ថែមទៀត។ លោកបណ្ឌិតបានវាយតម្លៃថា ការផ្តល់នូវវគ្គបណ្តុះបណ្តាលជាបន្តបន្ទាប់របស់ភាគីជប៉ុន ជូនដល់បុគ្គលិកធនាគារ SME នេះ ពិតជាមានសារសំខាន់ខ្លាំងណាស់ ដ្បិតថា មិនត្រឹមតែផ្តល់នូវចំណេះដឹង និងបទពិសោធន៍នោះទេ ថែមទាំងអនុញ្ញាតិឱ្យបុគ្គលិកធនាគារ SME បានទៅទទួលការអនុវត្តផ្ទាល់នៅជប៉ុនផងដែរ។ ថ្នាក់ដឹកនាំធនាគារ SME ជឿជាក់ថា តាមរយៈកិច្ចសហប្រតិបត្តការជាមួយស្ថានប័នជប៉ុននេះដែរ នឹងជួយជំរុញឱ្យសហគ្រាសធុនតូច និងធម្យមនៅកម្ពុជា កាន់តែមានលទ្ធភាពក្នុងការទទួលបានឥណទានកាន់តែមានភាពល្អប្រសើរជាងមុនផងដែរ។
បើតាមលោកបណ្ឌិត លឹម អូន គិតមកទល់ពេលនេះ ធនាគារសហគ្រាសធុនតូច និងមធ្យមកម្ពុជា បានផ្តល់ហិរញ្ញប្បទានក្នុងទំហំទឹកប្រាក់ជាង៥០០លានដុល្លារអាម៉េរិក ដល់សហគ្រាសជាង៣ពាន់សហគ្រាស តាមរយៈគម្រោងហិរញ្ញប្បទានដោយផ្ទាល់ និងគម្រោងសហហិរញ្ញប្បទានដែលសហការជាមួយស្ថាប័នហិរញ្ញវត្ថុចូលរួម។ ក្នុងនោះវិស័យអាទិភាពសំខាន់ គឺវិស័យដែលទាក់ទងនឹងការកែច្នៃ និងកម្មន្តសាល ដែលបានរួមចំណែករហូតដល់ជាង៥០% នៃទំហំទឹកប្រាក់ដែលបានផ្តល់ជូនសរុប៕
