នៅអ៊ីស្រាអែល ជាទីដែលពលរដ្ឋជិត៦០% នៃពលរដ្ឋទាំងអស់បានទទួលវ៉ាក់សាំងទាំងពីរដូស កំពុងកត់ត្រាពីការងើបឡើងវិញនៃករណីឆ្លងកូវីដ១៩ ដែលទើបរកឃើញនៅក្នុងសាលារៀនជាច្រើនកន្លែងក្នុងក្រុងធំៗចំនួនពីរ។ នេះបើតាមការចុះផ្សាយដោយការសែត The New York Times។
យុទ្ធនាការចាក់វ៉ាក់សាំងនៅអ៊ីស្រាអែល នាពេលកន្លងមក ហាក់ទទួលបានជោគជ័យធ្វើឲ្យករណីឆ្លងបានថយចុះជាលំដាប់ ករណីស្លាប់ក៏លែងមានច្រើនទៀត ហើយថែមទាំងឈានទៅចាក់វ៉ាក់សាំងដល់កុមារ អាយុពី១២ ដល់ ១៥ឆ្នាំថែមទៀត។ កត្តាទាំងនេះហើយបានជំរុញឲ្យរដ្ឋាភិបាលអ៊ឺស្រាអែលសម្រេចដកបម្រាមពាក់ម៉ាស ក្នុងកន្លែងបិទជិតវិញ។
ប៉ុន្តែស្ថានការណ៍ហាក់វិលទៅរកភាពមិនសូវល្អឡើងវិញ ក្រោយករណីឆ្លងកូវីដ១៩នៅប៉ុន្មានថ្ងៃចុងក្រោយនៃបានកើនឡើងទ្វេដងភ្លាមៗពោលគឺកើនពី ២៥ករណីនៅថ្ងៃសៅរ៍ មកដល់ជាង៧០ករណីកាលពីថ្ងៃអាទិត្យ ហើយអ្វីដែលគេបានរកឃើញគឺមួយភាគធំនៃករណីឆ្លង មានវត្តមាននៃមេរោគកូវីដបំប្លែងថ្មីឈ្មោះ ឌែលតា។ ប្រការនេះបានធ្វើឲ្យអាជ្ញាធរសម្រេចដាក់វិធានការណ៍ពាក់ម៉ាស់កន្លែងបិតជិតឡើងវិញ បានត្រឹមពីរសប្តាហ៍ប៉ុណ្ណោះបន្ទាប់ពីត្រូវបានដក។
គួរបញ្ជាក់ថា អ៊ីស្រាអែលមានអ្នកឆ្លងសរុបជាង៨សែន៤ម៉ឺននាក់ និងស្លាប់បាត់បង់ជីវិតជិត ៦ពាន់៥រយនាក់។
អត្ថបទទាក់ទង!
យើងងាកចេញពីអ៊ីស្រាអែល មកមើលឥណ្ឌាវិញម្តង បច្ចុប្បន្នឥណ្ឌា
មានកូវីដ១៩បំប្លែងខ្លួន«ឌែលតា»ត្រូវបានគេរកឃើញដំបូង
កំពុងតែប្រឈមមុខនឹងកូវីដ១៩បំប្លែងខ្លួនមួយប្រភេទទៀតហើយ ដែលវិវត្តចេញពីមេរោគឌែលតា
ហើយត្រូវបានគេឲ្យឈ្មោះថា «ឌែលថាបូក» ។ ប៉ុន្តែ «ឌែលតាបូក»
មិនមែនមាននៅតែប្រទេសឥណ្ឌានោះទេ បច្ចុប្បន្នវាបានបង្ហាញវត្តមានក្នុងប្រទេសជាច្រើនដូចជា
អាមេរិក អង់គ្លេស ចិន ជប៉ុន រុស្សី ប៉រទុយហ្គាល់ ស្វីសហ្សឺលែន និងប៉ូឡូញ។
យ៉ាងណាមិញ រដ្ឋចំនួន៣នៅឥណ្ឌាដូចជា រដ្ឋមហារ៉ាស្រ្តា ការ៉េឡា និង ម៉ាយ៉ាប្រាដេស កំពុងបង្កើនការប្រុងប្រយ័ត្នខ្ពស់ចំពោះមេរោគថ្មីនេះ ក្រោយទើបរកឃើញមេរោគ «ឌែលថាបូក» ចំនួន៤០ករណីក្នុងចំណោមករណីឆ្លងថ្មីក្នុងរដ្ឋទាំង៣ខាងលើ។
សូមជម្រាបថា ករណីឆ្លងប្រចាំថ្ងៃនៅឥណ្ឌាបន្តរក្សាក្នុងចំនួនជាមធ្យមជាង៥ម៉ឺនករណីក្នុងមួយថ្ងៃ ដែលទោះបីតួលេខនេះស្តាប់ទៅហាក់នៅមានចំនួនច្រើននៅឡើយ ប៉ុន្តែវាប្រសើរជាងកាលពីខែមុនៗដែលមានដល់ទៅរាប់សែនករណី។ គិតមកដល់បច្ចុបន្នឥណ្ឌាមានអ្នកឆ្លងសរុបជាង ៣០លាននាក់ ស្លាប់ជិត៤០ម៉ឹននាក់ រីឯល្បឿនចាក់វ៉ាក់សាំងវិញនៅបន្តទៅមុខយឺតដដែល ដោយក្នុងនោះ មានពលរដ្ឋឥណ្ឌាជាង ៥០លាននាក់ស្មើនឹងជិត៤% បានទទួលវ៉ាក់សាំងទាំងពីរដូស៕
None
