ចិនដាក់ឲ្យប្រើប្រាស់វិញ្ញាបនបត្របញ្ជាក់ពីការចាក់វ៉ាក់សាំងកូវីដ-១៩ សម្រាប់ការធ្វើដំណើរឆ្លងដែន
ប្រទេសចិន បានដាក់ឲ្យប្រើប្រាស់នូវវិញ្ញាបនបត្រឌីជីថល ដែលបញ្ជាក់ពីការបានចាក់វ៉ាក់សាំងកូវីដ-១៩ សម្រាប់ប្រជាជនរបស់ខ្លួនអាចធ្វើដំណើរឆ្លងកាត់ព្…
ក្នុងក្រុមពិភាក្សានៃកម្មវិធីជជែកអំពីអាជីវកម្មជាមួយ Facebook ដែលសម្របសម្រួលដោយអ្នកនាង ហ៊ាង អូមួយ អគ្គនាយិកាក្រុមហ៊ុនបច្ចេកវិទ្យា ខេសូលូសិន (Camsolution Technology) អ្នកនាង ហុក ស្រីមុំ និងអ្នកនាង អាំ វាសនា ដែលជាសហគ្រិនស្រ្តី បានចែករំលែកបទពិសោធរបស់ពួកគាត់អំពីការដំណើរការអាជីវកម្ម និងបានផ្តោតយ៉ាងខ្លាំងលើសារៈសំខាន់នៃវត្តមានតាមអនឡាញ និងការប្រើប្រាស់ការធ្វើទីផ្សារឌីជីថល។
អ្នកនាង ហុក ស្រីមុំ ដែលជាសហស្ថាបនិកក្រុមហ៊ុនអប់រំឈ្មោះថា The Khmer Lesson បានថ្លែងថា៖ «មានគម្លាតដ៏ធំមួយក្នុងអក្ខរកម្មឌីជីថលរវាងបុរស និងស្រ្តី។ មនុស្សជាច្រើននៅតែគិតថា ស្រ្តីមិនអាចគ្រប់គ្រងអាជីវកម្មបាន គួរតែនៅផ្ទះ ហើយបុរសជាអ្នករកប្រាក់។ ជួនកាលស្រ្តីខ្លួនឯងក៏គិតផងដែរថា ពិភព “ឌីជីថល” មានន័យថា បច្ចេកវិទ្យាព័ត៌មានវិទ្យា (IT) ដែលពិបាករៀន។ ទាំងអស់នេះបង្កឱ្យមានកង្វះអក្ខរកម្មឌីជីថល។»
ថ្មីៗនេះ អ្នកនាង ស្រីមុំ បានក្លាយជាគ្រូបណ្តុះបណ្តាលម្នាក់នៅកម្មវិធី #SheMeansBusiness ដែលជាកម្មវិធីមួយដែលត្រូវបានដំណើរការដោយក្រុមហ៊ុន Facebook និង គម្រោងសហគ្រិននារីសកម្មរបស់អង្គការផេកកម្ពុជា ដោយមានការគាំទ្រពី USAID ដើម្បីផ្តល់ការបណ្តុះបណ្តាលការធ្វើទីផ្សារឌីជីថលដោយឥតគិតថ្លៃដល់សហគ្រិនជាស្រ្តីចំនួន ១ ៧០០នាក់នៅទូទាំងប្រទេសកម្ពុជាតាមរយៈសិក្ខាសាលា និងការបណ្តុះបណ្តាលតាមអនឡាញ និងការបណ្តុះបណ្តាលផ្ទាល់។
គំនិតផ្តួចផ្តើម #SheMeansusiness ជាឱកាសមួយសម្រាប់សហគ្រិនជាស្រ្តី ដើម្បីទទួលបានជំនាញដែលចាំបាច់ក្នុងការពង្រីក និងកែលម្អអាជីវកម្មរបស់ពួកគេ និងដើម្បីពង្រីកបណ្តាញរបស់ខ្លួន។
អ្នកនាង អាំ វាសនា ដែលជាម្ចាស់ហាងកុំព្យូទ័រ BCS Computer ដែលបានបញ្ចប់ដោយជោគជ័យនូវការបណ្តុះបណ្តាលអំពីការធ្វើទីផ្សារឌីជីថលពីកម្មវិធី #SheMeansBusiness បានធ្វើការងារក្នុងផ្នែកលក់ និងធ្វើទីផ្សាររយៈពេល ៨ឆ្នាំ ធ្វើការងារក្នុងការបណ្តុះបណ្តាលនិងបង្វឹកអ្នកផ្សេងទៀតក្នុងនាមជាអ្នកឯកទេសបច្ចេកទេស និងអ្នកគ្រប់គ្រងផលិតផល។ ជាមួយនឹងជំនាញដែលទទួលបាននេះ អ្នកនាងក៏បានសម្រេចចិត្តបើកហាងលក់កុំព្យូទ័រខ្លួនឯង។
ដោយសារចំណេះដឹងដែលទទួលបានថ្មីៗរបស់គាត់ អ្នកនាង វាសនា បាននិងកំពុងសម្របខ្លួនទៅនឹងទីផ្សារអនឡាញ ដើម្បីរក្សាឱ្យអាជីវកម្មរបស់គាត់ដំណើរការបានក្នុងអំឡុងពេលវេលាដ៏លំបាកដែលបណ្តាលមកពីការរាតត្បាតជំងឺកូវីដ-១៩។
អ្នកនាង វាសនា បានថ្លែងថា៖ «ខ្ញុំជឿថា ស្រ្តីអាចក្លាយជាអ្នកដឹកនាំ និងសម្រេចបានជោគជ័យ។ នៅពេលមានការរាតត្បាតជំងឺកូវីដ-១៩ អាជីវកម្មរបស់ខ្ញុំបានរងគ្រោះខ្លាំង ប៉ុន្តែដោយសារជំនាញធ្វើទីផ្សារឌីជីថលរបស់ខ្ញុំ ខ្ញុំអាចបង្កើនការលក់អនឡាញ ហើយយើងជួបភាពរុងរឿងម្តងទៀត។ ភាពជឿជាក់របស់ខ្ញុំគឺថាមិនត្រូវបោះបង់ចោលឡើយ បើទោះជាខ្ញុំមិនមានចំណេះដឹងគ្រប់គ្រាន់នៅពេលដំបូងក៏ដោយ ក៏ខ្ញុំបានបន្តរៀនសូត្រ និងតស៊ូ ហើយតែងតែព្យាយាមរៀនសូត្រពីបទពិសោធទាំងអស់។»
គិតត្រឹមខែមករា ឆ្នាំ២០២១ សហគ្រិនចំនួន ៦០០ នាក់ ត្រូវបានបណ្តុះបណ្តាលស្ថិតក្រោមកម្មវិធី #SheMeansBusiness ហើយនៅត្រឹមឆ្នាំ២០២៣ តួលេខនេះនឹងមានចំនួនយ៉ាងហោចណាស់ ១ ៧០០នាក់។
លោក ហេង ភក្តី អ្នកគ្រប់គ្រងផ្នែកគោលនយោបាយសាធារណៈរបស់ក្រុមហ៊ុន Facebook ដែលបានចូលរួមក្នុងកិច្ចពិភាក្សាតាមអនឡាញនេះផងដែរបានថ្លែងថា៖ «នៅក្រុមហ៊ុន Facebook យើងប្តេជ្ញាចិត្តបង្កើតបរិយាកាស ដែលជំរុញសហគ្រិនភាពក្នុងចំណោមស្រ្តី។ ក្នុងប្រទេសកម្ពុជា យើងបានចាប់ដៃគូជាមួយគម្រោងសហគ្រិននារីសកម្មរបស់អង្គការផេកកម្ពុជាដោយគាំទ្រដោយ USAID ដើម្បីផ្តល់ជូនកម្មវិធីបណ្តុះបណ្តាល ស្ដី អំពីការ ធ្វើទីផ្សារ ឌីជីថល SheMeansBusiness និងផ្តល់ជូនសហគ្រិនទាំងនេះនូ វជំនាញដែលចាំបាច់ ដើម្បីដំណើរការ អាជីវកម្មនៅលើផ្លាតហ្វមឌីជីថល។»
ដើម្បីស្វែងយល់បន្ថែមអំពីគំនិតផ្តួចផ្តើម #SheMeansBusiness ស្រ្តីក្នុងវិស័យអាជីវកម្ម និងការធ្វើទីផ្សារឌីជីថល លោកអ្នកអាចទស្សនានូវកិច្ចពិភាក្សាអនឡាញទាំងមូលបាននៅទីនេះ៖ Facebook live
សហគ្រិនដែលចាប់អារម្មណ៍ចូលរួមក្នុងកម្មវិធីបណ្តុះបណ្តាលអំពីការធ្វើទីផ្សារឌីជីថល #SheMeansBusiness អាចដាក់ពាក្យតាមរយៈទំព័រហ្វេសប៊ុក WE Act Cambodia៖ https://web.facebook.com/WEActCambodia
https://web.facebook.com/WEActCambodia
None
