សេដ្ឋកិច្ចចិន ត្រូវបានគេព្យាករថា អាចសម្រេចបានកំណើនរហូតដល់ទៅ៥,៣% នៅឆ្នាំនេះ
កំណើនសេដ្ឋកិច្ចរបស់ចិន ត្រូវបានគេមើលឃើញថា អាចមានល្បឿនលឿនជាងគោលដៅដែលរដ្ឋាភិបាលរបស់ប្រទេសនេះបានព្យាករ។ តាមការស្ទង់មតិរបស់សារព័ត៌មាន Bl…
ប្រធានគណៈកម្មការអឺរ៉ុប លោកស្រី យូសូឡា វ៉ុនឌ័រ ឡេយេន និងប្រធានាធិបតីឥណ្ឌូនេស៊ីលោក ប្រាបូវ៉ូ ស៊ូប៊ីអានតូ បានប្រកាសរួមគ្នាក្នុងសន្និសីទសារព័ត៌មាននៅទីក្រុងប្រ៊ុចសែល ប្រទេសបែលហ្ស៊ិក កាលពីថ្ងៃអាទិត្យ ពីការសម្រេចបានកិច្ចព្រមព្រៀងពាណិជ្ជកម្មសេរី ដែលគេទន្ទឹងរង់ចាំជាយូរណាស់មកហើយ។
ប្រធានគណៈកម្មការអឺរ៉ុប បានចាត់ទុកកិច្ចព្រមព្រៀងភាពជាដៃគូសេដ្ឋកិច្ចដ៏ទូលំទូលាយថ្មី (CEPA) ដែលទើបសម្រេចបានជាមួយឥណ្ឌូនេស៊ីនេះ កិច្ចព្រមព្រៀងដ៏មានឥទ្ធិពល និងច្បាស់លាស់មួយ ចំពេលមានភាពមិនប្រាកដប្រជានៃសេដ្ឋកិច្ចពិភពលោកបង្កឡើងដោយមហាអំណាចសេដ្ឋកិច្ចទាំងពីរគឺចិន និងអាម៉េរិក។
ជាមួយគ្នានេះ លោក ស៊ូប៊ីអានតូ រំពឹងថា កិច្ចព្រមព្រៀងនេះនឹងជួយផ្តល់ផលប្រយោជន៍សេដ្ឋកិច្ចទ្វេភាគី ក៏ដូចជាជួយពង្រឹងទំនាក់ទំនងកាន់តែស៊ីជម្រៅរវាងឥណ្ឌូនេស៊ី និងសហភាពអឺរ៉ុបផងដែរ។
កិច្ចព្រមព្រៀងនយោបាយនេះ បានរួមបញ្ចូលទាំងការប្តេជ្ញាចិត្តលើពាណិជ្ជកម្មឌីជីថល ការលុបបំបាត់ពន្ធតាមដំណាក់កាល និងការដាក់បញ្ចូលទិដ្ឋាការដែលនឹងអនុញ្ញាតឱ្យជនជាតិឥណ្ឌូនេស៊ី អាចធ្វើដំណើរដោយសេរីនៅកាន់សហភាពអឺរ៉ុបផងដែរ។
ការសម្រេចបានកិច្ចព្រមព្រៀងនេះ ចំពេលមានការកើនឡើងភាពតានតឹងពាណិជ្ជកម្មរវាងអឺរ៉ុប និងអាម៉េរិក បន្ទាប់ពីលោក ដូណាល់ ត្រាំ បានប្រកាសយកពន្ធ៣០% លើទំនិញរបស់អឺរ៉ុប ដែលគ្រោងនឹងចូលជាធរមាននៅថ្ងៃទី១ ខែសីហា តទៅ។ គួរបញ្ជាក់ថា សហភាពអឺរ៉ុប គឺជាដៃគូពាណិជ្ជកម្មដ៏ធំបំផុតទី៥របស់ឥណ្ឌូនេស៊ី ដោយទំហំពាណិជ្ជកម្មទ្វេភាគីបានឡើងដល់ជាង៣០ពាន់លានដុល្លារអាម៉េរិកកាលពីឆ្នាំ២០២៤៕
ដោយ៖ សុខ មង្គល
