![សន្តិសុខស្បៀង](https://cdn.cambonomist.com/media/images/tmrvkrsbngnchnnngthl22211.2e16d0ba.fill-960x540.jpg)
យោងតាមការប៉ាន់ប្រមាណថ្មីដោយអង្គការស្បៀងអាហារ និងកសិកម្មរបស់អង្គការសហប្រជាជាតិ បានឱ្យដឹងថា ប្រទេសឥណ្ឌា បានត្រៀមខ្លួនរួចជាស្រេចដើម្បីវ៉ាប្រទេសចិន លើបញ្ហាតម្រូវការស្បៀងអាហារពិភពលោកក្នុងរយៈពេលមួយទសវត្សរ៍ខាងមុខ ដោយសារតែនិន្នាការសេដ្ឋកិច្ច និងកំណើនប្រជាជន។
បើយោងតាមការចុះផ្សាយរបស់សារព័ត៌មាន Nikkei នៅពេញមួយទសវត្សរ៍មុនដែលគេគិតត្រឹមឆ្នាំ២០២៣ ប្រទេសចិនមានតម្រូវការស្បៀងប្រមាណជា២៨% តែត្រូវបានគេព្យាករណ៍ថា នឹងធ្លាក់ចុះមកត្រឹម១១% សម្រាប់ទសវត្សរ៍ក្រោយ ឬរហូតដល់ឆ្នាំ២០៣៣។ សម្រាប់ប្រទេសឥណ្ឌាវិញ ដែលពេលនេះកំពុងស្ថិតក្នុងតំណែងជាប្រទេសដែលមានប្រជាជនច្រើនជាងគេបំផុតនោះ តម្រូវការស្បៀងនៅ១ទសវត្សរ៍មុនមានត្រឹមតែ១៣%ប៉ុណ្ណោះ តែអាចនឹងកើនដល់ទៅ២០% នៅ១០ឆ្នាំក្រោយ។
ការព្យាករណ៍លើតម្រូវការស្រូវសាឡីតែមួយបានបង្ហាញថា ប្រទេសចិនត្រូវបានគេរំពឹងថានឹងប្រើប្រាស់ស្រូវសាលី ចំនួន១៤៧លានតោន ក្នុងឆ្នាំ២០៣៣ ជាមួយនឹងកំណើនត្រឹម២,៦%ប៉ុណ្ណោះ តែសម្រាប់តម្រូវការនៅឥណ្ឌាវិញ នឹងមានចំនួន១៣៧លានតោន ដោយអត្រាកំណើនវិញ គឺកើនដល់ទៅជិត២៨%ឯណោះ។ ការព្យាករណ៍នេះ កើតចេញពីការរំពឹងទុកនៃការធ្លាក់ចុះចំនួនប្រជាជនយ៉ាងច្រើនសន្ធឹកសន្ធាប់ព្រមទាំងប្រាក់ចំណូលនៅទ្រឹងក្នុងប្រទេសចិន ដែលផ្ទុយនឹងការកើនឡើងនូវចំនួនប្រជាជន និងកម្រិតជីវភាពរបស់ពលរដ្ឋឥណ្ឌា។ ឥណ្ឌា និងចិនមានចំនួន
ដោយៈ សរ សុជាតិ