តម្លៃមាសបានហក់ឡើង

តម្លៃមាសនៅកម្ពុជាបានហក់ឡើងដល់ជាង៣,៦៦៨ដុល្លារក្នុង១តម្លឹងជាប្រវត្តិសាស្ត្រមិនធ្លាប់មាន


តម្លៃមាសនៅកម្ពុជាបានបំបែកកំណត់ត្រាជាប្រវត្តិសាស្ត្រជាថ្មី បន្ទាប់ពីវាបានហក់ឡើងដល់ជាង៣,៦៦៨ដុល្លារក្នុង១តម្លឹងនៅរសៀលថ្ងៃទី១៩ ខែមីនា ឆ្នាំ២០២៥ នេះ។ អ្នកជំនាញក្នុងវិស័យនេះបានវាយតម្លៃថា កត្តាដែលជំរុញឱ្យតម្លៃមាសនៅលើទីផ្សារអន្តរជាតិ ក៏ដូចជាទីផ្សារកម្ពុជាមានការកើនឡើងជាបន្តបន្ទាប់រហូតដល់កំណត់ត្រាថ្មីនេះ
តម្លៃមាសបានហក់ឡើង
ដោយ

បន្ទាប់ពីវិនិយោគិននាំគ្នាសម្រុកទិញមាសស្តុកទុកក្រោយបារម្ភពីស្ថានភាពសេដ្ឋកិច្ច គួបផ្សំមានការរំពឹងថា ធនាគារកណ្តាលអាម៉េរិកអាចនឹងបញ្ចុះអត្រាការប្រាក់បន្ថែមទៀត។ ជាមួយគ្នានេះអ្នកជំនាញរំពឹងថា តម្លៃមាសនៅកម្ពុជានឹងហក់ឡើងបន្ថែមទៀត។

លោក ឡុង សំណាង ប្រធានផ្នែកប្រឹក្សាយោបល់ហិរញ្ញវត្ថុ នៃក្រុមហ៊ុន ភីភីលីង ស៊ីឃ្យួរីធី បានគូសបញ្ជាក់ប្រាប់សារព័ត៌មានខេមបូណូមីស ថា គិតត្រឹមរសៀលថ្ងៃទី១៩ ខែមីនា ឆ្នាំ២០២៥ ហាងឆេងមាសនៅលើទីផ្សារអន្តរជាតិមានតម្លៃ៣,០៤៥ដុល្លារក្នុង១អោន ឬស្មើនឹង៣,៦៦៨ដុល្លារក្នុង១តម្លឹងនៅទីផ្សារកម្ពុជា។ ការហក់ឡើងតម្លៃមាសជាបន្តបន្ទាប់នេះត្រូវបានអ្នកជំនាញរូបនេះវាយតម្លៃថា ដោយសារការដាក់សម្ពាធពន្ធរបស់សហរដ្ឋអាម៉េរិក និងការធ្លាក់ចុះតម្លៃប្រាក់ដុល្លារជាដើម។ បើតាម លោក ឡុង សំណាង នៅក្នុងស្ថានភាពនេះ មាសនឹងបន្តឡើងថ្លៃក្នុងកម្រិតណាមួយបន្ថែមទៀតនាពេលខាងមុខ ខណៈនៅឆ្នាំនេះ ធនាគារកណ្ដាលអាម៉េរិកនឹងបន្តកាត់បន្ថយអត្រាការប្រាក់ផងដែរ។

បើតាមលោក ឡុង សំណាង ទោះបីស្ថានភាពនាពេលខាងមុខមិនមានបញ្ហាអ្វីកើតឡើងក៏ដោយ ក៏មាសនៅតែបន្តឡើងថ្លៃ ដោយសារនៅពេលសេដ្ឋកិច្ចមានដំណើរការល្អ នោះការវិនិយោគមាសនឹងមានទំហំកាន់តែធំជាងមុន ព្រោះវត្ថុដ៏កម្រនេះ នៅតែមានតម្រូវការក្នុងការប្រើប្រាស់សម្រាប់ដាក់ធានា និងជាវត្ថុធាតុក្នុងគ្រឿងបង្គុំអេឡិចត្រូនិកជាដើម។

គួរបញ្ជាក់ថា តម្លៃហាងឆេងមាសនៅកម្ពុជាបានហក់ឡើងដល់កម្រិតខ្ពស់បំផុតរហូតដល់៣,៦០០ដុល្លារក្នុង១តម្លឹងកាលពីចុងខែតុលា ឆ្នាំ២០២៤។ អ្នកជំនាញខាងលើបានព្យាករថា តម្លៃមាសនៅកម្ពុជានឹងហក់ដល់៣,៧០០ដុល្លារក្នុង១តម្លឹង នៅអំឡុងពាក់កណ្តាលឆ្នាំនេះ ហើយអាចនឹងហក់ដល់៤,០០០ដុល្លារក្នុង១តម្លឹងនៅចុងឆ្នាំ២០២៥ នេះ៕

អត្ថបទ៖ បូ ដូឡា,រូបភាព ឯកសារ




អត្ថបទបន្ទាប់


លោក ពូទីន ព្រមព្រៀងជាមួយលោកដូណាល់ ត្រាំ ផ្អាកវាយប្រហារលើហេដ្ឋារចនាសម្ព័ន្ធថាមពលរបស់អ៊ុយក្រែនរយៈពេល៣០ថ្ងៃ

ប្រធានាធិបតីរុស្ស៊ីលោក វ្ល៉ាឌីមៀ ពូទីន បានព្រមព្រៀងជាមួយប្រធានាធិបីអាម៉េរិកលោក ដូណាល់ ត្រាំ ផ្អាកវាយប្រហារលើហេដ្ឋារចនាសម្ព័ន្ធថាមពលរួមមា…

បញ្ហាអាកាសធាតុកំពុងគំរាមកំហែងដល់ការបង្កបង្កើនផលដំាំណាំទុរេន និងស្វាយចន្ទី នៅឆ្នាំនេះ

បញ្ហាអាកាសធាតុកំពុងគំរាមកំហែងដល់ការបង្កបង្កើនផលដំណាំទុរេន និងស្វាយចន្ទីនៅឆ្នាំនេះ។ បើតាមការអះអាងរបស់ក្រុមអ្នកជំនាញក្នុងវិស័យកសិកម្ម បញ្…

ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ