តើមានកត្តាអ្វីជំរុញឱ្យក្រុមហ៊ុនអភិវឌ្ឍន៍លំនៅឋាននៅថៃ ហាក់ស្ទាក់ស្ទើរក្នុងការបន្តពង្រីកអាជីវកម្ម?
សំណង់លំនៅឋានដែលត្រូវបានអនុញ្ញាតនៅទូទាំងប្រទេសថៃ ក្នុងរយៈពេល៣ខែដំបូងនៃឆ្នាំ២០២៤ ត្រូវបានគេរំពឹងថា នឹងធ្លាក់ចុះដល់កម្រិតទាបបំផុតមិនធ្លា…
ការប្រកួតប្រជែងនេះ ត្រូវបានរៀបចំឡើងដើម្បីផ្តល់ឱកាសដល់និស្សិតសាកលវិទ្យាល័យក្នុងការអភិវឌ្ឍដំណោះស្រាយប្រកបដោយភាពច្នៃប្រឌិត សម្រាប់អនាគតប្រកបដោយនិរន្តរភាព ដែលក្រុមចំនួនបីទទួលបានជ័យជំនះសម្រាប់គម្រោងឆ្នើមរបស់ពួកគេ ដែលគម្រោងទាំងនោះផ្តោតលើចក្រាវិស័យបរិស្ថាន ឬការបង្កើនការប្រើប្រាស់ឡើងវិញក្នុងវិស័យម្ហូបអាហារ និងភេសជ្ជៈ។
ក្រុម «Eco-brew» ទទួលបានជ័យលាភីជើងឯកសម្រាប់គម្រោងរបស់ពួកគេ ក្នុងការបំប្លែងផ្លែស្វាយដែលច្រើនលើសតម្រូវការក្នុងស្រុកទៅជាដុំស្ករ ដែលមានគោលបំណងជួយគាំទ្រដល់អាជីវកម្មក្នុងស្រុក និងរួមចំណែកដល់ការបង្កើនការប្រើប្រាស់ឡើងវិញ។ ក្រុម «Refuel» ទទួលបានតំណែងជើងឯករងទីមួយជាមួយនឹងវិធីសាស្រ្តរបស់ពួកគេ ក្នុងការធ្វើគ្រាប់ធញ្ញជាតិដែលបានប្រើប្រាស់រួចធ្វើជាម្សៅ ដើម្បីកាត់បន្ថយកាកសំណល់ និងផលប៉ះពាល់បរិស្ថាន។ រង្វាន់ជ័យលាភីលេខ២ បានទៅលើក្រុម «INKABLE» សម្រាប់ទឹកថ្នាំដែលមិនប៉ះពាល់ដល់បរិស្ថានរបស់ពួកគេ ដែលផលិតចេញពីប្រេងឆា និងសារធាតុពណ៌ធម្មជាតិ ដែលចម្រាញ់ពីរុក្ខជាតិដោយប្រើប្រាស់ការបំប្លែងថាមពលស្អាត។
នៅឆ្នាំនេះ កម្មវិធី HEINEKEN Sustainathon បានយកចិត្តទុកដាក់លើប្រធានបទបរិស្ថាន ដែលផ្តោតលើការបង្កើនការប្រើប្រាស់ឡើងវិញដែលស្របតាមមហិច្ឆតា «ធ្វើឱ្យប្រទេសកម្ពុជាកាន់តែប្រសើរ» រយៈពេលវែងរបស់ក្រុមហ៊ុន ហ៊ិននីគែន ខេមបូឌា ដែលប្រារព្ធខួបគម្រប់ ៣០ ឆ្នាំរបស់ក្រុមហ៊ុននៅឆ្នាំនេះ។ មហិច្ឆតា «ធ្វើឱ្យប្រទេសកម្ពុជាកាន់តែប្រសើរ» មានគោលបំណងចូលរួមចំណែកជាវិជ្ជមានតាមរយៈសសរស្តម្ភសំខាន់ៗចំនួនបីគឺ បរិស្ថាន សង្គម និងការប្រើប្រាស់ប្រកបដោយទំនួលខុសត្រូវ។ ក្រុមហ៊ុនយល់ឃើញថា ដំណោះស្រាយការបង្កើនការប្រើប្រាស់ឡើងវិញប្រកបដោយប្រសិទ្ធភាពទាមទារឱ្យមានការចូលរួមពីភាគីពាក់ព័ន្ធជាច្រើន ដូច្នេះ កម្មវិធីនេះ លើកកម្ពស់ការច្នៃប្រឌិតប្រកបដោយនិរន្តរភាពតាមរយៈភាពជាដៃគូ និងសកម្មភាពរួម។
កម្មវិធី Sustainathon បានទាក់ទាញបេក្ខជនចូលរួមជាង ២២០ នាក់ដោយមាន ២៧ ក្រុមដែលមានសមាជិកជាង ១០០ នាក់។ ការប្រកួតប្រជែងនេះ មានបួនដំណាក់កាល៖ ការពិភាក្សាស្វែងរកគំនិត (Hatch), កម្មវិធី Hackaton (Hack-fest), ជំរុំពិភាក្សា (Boothcamp) និង កម្មវិធី Final Pitch។ នៅជុំចុងក្រោយ មានក្រុមចំនួន ១០ បានចូលរួមប្រកួតដោយមានការបណ្តុះបណ្តាលពីអ្នកជំនាញតំណាងមកពី ក្រុមហ៊ុន ហ៊ិននីគែន ខេមបូឌា និង អង្គការ GIZ ។
កម្មវិធីនេះ ដំណើរការដោយមានសុន្ទរកថាបើកពី ឯកឧត្តម ហេង សុខគង់ រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ (MISTI) ឯកឧត្តម កូប រ៉លី អនុរដ្ឋលេខាធិការក្រសួងបរិស្ថាន និងលោកស្រី Anne de Graaf នាយកកិច្ចការសាជីវកម្មនៃក្រុមហ៊ុន ហ៊ិននីគែន ខេមបូឌា។
គណៈកម្មាធិការកម្មវិធីរួមមាន លោកបណ្ឌិត ស្រ៊ុន សុវីឡា នាយកមជ្ឈមណ្ឌលជាតិបណ្ដុះធុរៈកិច្ចថ្មីនៃកម្ពុជា (NICC) លោក Florian Schmidt ទីប្រឹក្សាគ្រប់គ្រងកាកសំណល់ និងចក្រាវិស័យបរិស្ថានមកពីអង្គការ GIZ លោកស្រី Kavitha Panicker អ្នកគ្រប់គ្រងក្រុមហ៊ុន ហ៊ិននីគែន ខេមបូឌា និងលោកស្រី ហ៊ុន ស្រីមុំ សាស្ត្រាចារ្យផ្នែកវិស្វកម្ម និងបច្ចេកវិទ្យាចំណីអាហារមកពីសាកលវិទ្យាល័យភូមិន្ទភ្នំពេញ។
លោក Frank Jutke ប្រធានក្រុមផ្នែកអាស៊ាននៃអង្គការ GIZ បានមានប្រសាសន៍ថា៖ «វិធីសាស្រ្តប្រកបដោយភាពច្នៃប្រឌិតរបស់និស្សិតចំពោះសេដ្ឋកិច្ចបៃតង និងគោលគំនិតចំពោះនិរន្តភាពសេដ្ឋកិច្ចបង្ហាញពីសក្តានុពលនៃផលប៉ះពាល់លើពិភពពិត។ តាមរយៈការរួមបញ្ចូលគំនិតទាំងនេះ ទៅក្នុងគម្រោង និងគំនិតអាជីវកម្ម និសិត្យទាំងអស់ មិនត្រឹមតែជំរុញឱ្យគេបានសិក្សារៀនសូត្របន្ថែមប៉ុណ្ណោះទេ ប៉ុន្តែថែមទាំងបណ្តុះស្មារតីពួកគេឱ្យចេះដឹកនាំការងារនេះឆ្ពោះទៅកាន់អនាគតប្រកបដោយនិរន្តរភាព និងកំណើនសេដ្ឋកិច្ចក្នុងប្រទេសកម្ពុជាភាពថែមទៀត»។
លោកស្រី Anne de Graaf នាយកកិច្ចការសាជីវកម្មនៃក្រុមហ៊ុន ហ៊ិននីគែន ខេមបូឌា បានមានប្រសាសន៍ថា៖ «យើងពិតជាមានការរំភើបចិត្ត និងកោតសរសើរយ៉ាងខ្លាំងចំពោះភាពច្នៃប្រឌិត និងការខិតខំប្រឹងប្រែងបង្ហាញរបស់និសិត្យទាំងអស់។ ការខិតខំប្រឹងប្រែង និងដំណោះស្រាយប្រកបដោយភាពច្នៃប្រឌិតរបស់ពួកគេ ឆ្លុះបញ្ចាំងពីអនាគតដ៏ភ្លឺស្វាងនៃការអភិវឌ្ឍន៍ប្រកបដោយនិរន្តរភាពនៅកម្ពុជា។ យើងពិតជារំភើប ចំពោះសក្តានុពលនៃអ្នកដឹកនាំជំនាន់ក្រោយនេះណាស់។ កម្មវិធី Sustainathon មិនត្រឹមតែជាការប្រកួតប្រជែងប៉ុណ្ណោះទេ ប៉ុន្តែជាវេទិកាសម្រាប់ការចូលរួមជាមួយអ្នកច្នៃប្រឌិតនាពេលអនាគត និងអ្នកដឹកនាំជាមួយដៃគូឧស្សាហកម្មសំខាន់ៗ។ យើងជឿជាក់ថា មានតែការធ្វើការងារជារួមគ្នាតែប៉ុណ្ណោះ ទើបយើងអាចបង្កើតផលវិជ្ជមាន និងតម្លៃសម្រាប់អ្នកប្រើប្រាស់ សហគមន៍ និងពិភពលោករបស់យើង»។
លោកស្រី Kavitha Panicker អ្នកគ្រប់គ្រងក្រុមហ៊ុន ហ៊ិននីគែន ខេមបូឌា បានមានប្រសាសន៍បន្ថែមថា៖ «ក្រុមសិស្សនិសិត្យទាំងអស់ បានធ្វើឱ្យយើងចាប់អារម្មណ៍ជាមួយនឹងឆន្ទៈ និងការសហការគ្នារបស់ពួកគេ។ កម្មវិធី Sustainathon ឆ្នាំនេះបានបំផុសគំនិតអ្នកចូលរួមឱ្យបង្កើនការបង្កើត និងភាពច្នៃប្រឌិត ហើយធានាថា ដំណោះស្រាយដែលបានស្នើឡើងរបស់ពួកគេត្រូវបានរចនាឡើង ដើម្បីប្រើប្រាស់ឡើងវិញបានយូរតាមដែលអាចធ្វើទៅបានក្នុងគោលបំណង កាត់បន្ថយកាកសំណល់ និងកាត់បន្ថយការប្រើប្រាស់ធនធាន។ យើងជឿថា អ្នកគ្រប់គ្នាដែលបានចូលរួមគឺជាអ្នកឈ្នះ ហើយយើងទន្ទឹងរង់ចាំកម្មវិធី HEINEKEN Sustainathon បន្តបន្ទាប់ទៀត»។
សម្រាប់ព័ត៌មានបន្ថែម អំពី HEINEKEN Sustainathon សូមតាមដានគេហទំព័រហ្វេសប៊ុករបស់ ក្រុមហ៊ុន ហ៊ិននីគែន ខេមបូឌា (https://www.facebook.com/HEINEKENCambodia) និងដៃគូយុទ្ធសាស្ត្ររបស់កម្មវិធី HEINEKEN Sustainathon អង្គការ GIZ Cambodia (https://www.facebook.com/gizcambodia)។
###
អំពីក្រុមហ៊ុន ហ៊ិននីគែន ខេមបូឌា
ក្រុមហ៊ុន ហ៊ិននីគែន ខេមបូឌា ជាក្រុមហ៊ុនផលិតស្រាបៀរឈានមុខគេមួយនៅកម្ពុជា ដែលបង្កើតឡើងក្នុងឆ្នាំ១៩៩៤។ ជំរុញដោយគោលបំណងបង្កើតភាពសប្បាយរីករាយរួមគ្នា ក្រុមហ៊ុនបង្កើតបទពិសោធដ៏អស្ចារ្យសម្រាប់អ្នកពិសារ និងអតិថិជន ដែលត្រូវការស្រាបៀរម៉ាកយីហោអន្តរជាតិគុណភាពខ្ពស់ ដូចជាស្រាបៀរ Heineken© ស្រាបៀរ Tiger ស្រាបៀរ ABC ស្រាបៀរ Anchor និងស្រាបៀរ Gold Crown។ ជាមួយនឹងការគ្របដណ្តប់នៅទូទាំងប្រទេស និងដោយមានរោងចក្របច្ចេកវិទ្យាទំនើបស្ថិតនៅរាជធានីភ្នំពេញ ក្រុមហ៊ុនមានបុគ្គលិក ៧០០ នាក់ និងផ្ដល់ការងារដោយប្រយោលជូនប្រជាជនកម្ពុជាចំនួន ១២០.០០០* នាក់នៅទូទាំងចង្វាក់ផលិតកម្មរបស់ខ្លួន។ ប្តេជ្ញាចំពោះការអភិវឌ្ឍប្រកបដោយនិរន្តរភាពរបស់កម្ពុជា ក្រុមហ៊ុន ហ៊ិននីគែន ខេមបូឌា មានបំណង «ធ្វើឱ្យប្រទេសកម្ពុជាកាន់តែប្រសើរ» ជាមួយនឹងការផ្តោតលើបរិស្ថាន និរន្តរភាពសង្គម និងការពិសាដោយការទទួលខុសត្រូវដែលស្ថិតនៅលើដំណើរឆ្ពោះទៅកាន់ពិភពលោកដែលមានអព្យាក្រិតកាបូន កាន់តែស្មើភាព និងកាន់តែមានសុខភាពល្អ។ ក្រុមហ៊ុន ហ៊ិននីគែន ខេមបូឌា គឺជាផ្នែកមួយនៃក្រុមហ៊ុន HEINEKENដែលជាក្រុមហ៊ុនផលិតស្រាបៀរលំដាប់ថ្នាក់ពិភពលោក៕
*ប្រភព៖ ការលក់ផ្ទៃក្នុងឆ្នាំ ២០២២, ការសិក្សាអំពីផលប៉ះពាល់សេដ្ឋកិច្ចឆ្នាំ ២០២០ ទិន្នន័យពីរាជរដ្ឋាភិបាលកាលពីឆ្នាំ ២០១៩
អំពីអង្គការកិច្ចសហប្រតិបត្តិការអន្តរជាតិអាល្លឺម៉ង់កម្ពុជា (GIZ Cambodia)
អង្គការកិច្ចសហប្រតិបត្តិការអន្តរជាតិអាឡឺម៉ង់ បាននឹងកំពុងធ្វើការនៅក្នុងប្រទេសកម្ពុជាតាំងនាមឱ្យក្រសួងសហព័ន្ធអាល្លឺម៉ង់សម្រាប់កិច្ចសហប្រតិបត្តិការ និងអភិវឌ្ឍន៍សេដ្ឋកិច្ច (BMZ) ចាប់តាំងពីឆ្នាំ ១៩៩៤ ។ កាលពីឆ្នាំ ២០០១ ការិយាល័យ GIZ អចិន្ត្រៃយ៍ត្រូវបានបើកនៅក្នុងទីក្រុងភ្នំពេញ។ នៅក្នុងតំបន់អាស៊ីអាគ្នេយ៍ ព្រះរាជាណាចក្រកម្ពុជា គឺជាប្រទេសដៃគូដ៏សំខាន់មួយរបស់កិច្ចសហប្រតិបត្តិការអភិវឌ្ឍន៍អាល្លឺម៉ង់។ សកម្មភាពកិច្ចសហប្រតិបត្តិការ ត្រូវបានដឹកនាំដោយគោលដៅអភិវឌ្ឍន៍ប្រកបដោយចីរភាព (SDGs) ដែលបានព្រមព្រៀងជាសាកល យុទ្ធសាស្ត្រមន្ទីរបញ្ចកោណកម្ពុជា និងផែនការយុទ្ធសាស្ត្រអភិវឌ្ឍន៍ជាតិ។
None
